നൈസ് റോഡിൽ അജ്ഞാത വാഹനമിടിച്ച് പുള്ളിപ്പുലി ചത്തു

ബെംഗളൂരു: ബന്നാർഘട്ടയ്ക്കും കനകപുര എക്സിറ്റിനും ഇടയില്‍ നൈസ് റോഡിൽ അജ്ഞാത വാഹനമിടിച്ച് പുള്ളിപ്പുലി ചത്തു. മൂന്ന് വയസ് പ്രായം തോന്നിക്കുന്ന പെൺ പുള്ളിപ്പുലിയാണ് കൊല്ലപ്പെട്ടത്. ഞായറാഴ്ച പുലർച്ചെ ഒരു മണിയോടെ പുള്ളിപ്പുലി റോഡ് മുറിച്ചുകടക്കാൻ ശ്രമിക്കുന്നതിനിടെ അപകടം സംഭവിച്ചതെന്നാണ് നിഗമനം. വനം വകുപ്പ് ഉദ്യോഗസ്ഥർ സ്ഥലത്തെത്തി ജഡം നീക്കം ചെയ്തു. പുലിയുടെ ജഡം പോസ്റ്റ്‌മോർട്ടം ചെയ്യുമെന്നും സംഭവത്തില്‍ അന്വേഷണം ആരംഭിച്ചതായും ഉദ്യോഗസ്ഥർ പറഞ്ഞു

SUMMARY: A leopard died after being hit by an unknown vehicle on Nice Road