കോട്ടയം: നിയമസഭാ തിരഞ്ഞെടുപ്പിനുള്ള പാര്‍ട്ടി സ്ഥാനാര്‍ത്ഥികളെ പ്രഖ്യാപിച്ച് കേരള കോണ്‍ഗ്രസ് എം. മന്ത്രി റോഷി അഗസ്റ്റിന്‍ ഉള്‍പ്പെടെുള്ള അഞ്ച് സിറ്റിംഗ് എംഎല്‍എമാരും സിറ്റിംഗ് മണ്ഡലങ്ങളില്‍ മത്സരിക്കും. 12 മണ്ഡലങ്ങളിലേക്കുള്ള സ്ഥാനാര്‍ത്ഥികളെയാണ് പാര്‍ട്ടി പ്രഖ്യാപിച്ചത്. പാലാ, ഇടുക്കി, കാഞ്ഞിരപ്പള്ളി, ചങ്ങനാശ്ശേരി, പൂഞ്ഞാർ, ചാലക്കുടി, റാന്നി, തൊടുപുഴ, പിറവം, ഇരിക്കൂർ, കടുത്തുരുത്തി, പെരുമ്പാവൂർ എന്നിവിടങ്ങളിൽ നിന്ന് കേരള കോൺഗ്രസ് (എം) ജനവിധി തേടും.
പാലായിൽ കേരള കോൺഗ്രസ് (എം) ചെയർമാൻ ജോസ് കെ. മാണി തന്നെ എൽഡിഎഫ് സ്ഥാനാർത്ഥിയാകും. കഴിഞ്ഞ തവണ കൈവിട്ടുപോയ പാർട്ടിയുടെ ഉരുക്കുകോട്ട തിരിച്ചുപിടിക്കുക എന്ന ലക്ഷ്യത്തോടെയാണ് ജോസ് കെ. മാണി വീണ്ടും മത്സരരംഗത്തിറങ്ങുന്നത്. കെ.എം. മാണിക്ക് ശേഷം പാലാ മണ്ഡലം കേരള കോൺഗ്രസ് എമ്മിനെ സംബന്ധിച്ച് അഭിമാന പ്രശ്നമാണ്. 2021ല്‍ 15,378 വോട്ടുകള്‍ക്കാണ് മാണി സി കാപ്പന്‍ ജോസിനെ പരാജയപ്പെടുത്തിയത്.
കേരള കോൺഗ്രസ് (എം) സ്ഥാനാർത്ഥികൾ
-
പാലാ- ജോസ് കെ മാണി
-
ഇടുക്കി– റോഷി അഗസ്റ്റിൻ
-
കാഞ്ഞിരപ്പള്ളി – ഡോ. എൻ ജയരാജ്
-
ചങ്ങനാശ്ശേരി- അഡ്വ. ജോബ് മൈക്കിൾ
-
പൂഞ്ഞാർ- അഡ്വ. സെബാസ്റ്റ്യൻ കുളത്തുങ്കൽ
-
ചാലക്കുടി- അഡ്വ. ബിജു ചിറയത്ത്
-
റാന്നി– പ്രമോദ് നാരായൺ
-
തൊടുപുഴ- സിറിയക് ചാഴികാടൻ
-
പിറവം – സാബു കെ ജേക്കബ്
-
ഇരിക്കൂർ – മാത്യു കുന്നപ്പള്ളി
-
കടുത്തുരുത്തി – നിർമ്മല ജിമ്മി
-
പെരുമ്പാവൂർ – ബേസിൽ പോൾ
SUMMARY: Jose K Mani in Palay; Kerala Congress (M) announces candidates
