ബെംഗളൂരു: ബെംഗളൂരുവിലെ ഗതാഗതക്കുരുക്ക് ലഘൂകരിക്കുന്നതിന് ഏറെ സഹായകരമാകുന്ന 11 എലിവേറ്റഡ് ഇടനാഴികള്ക്ക് കര്ണാടക മന്ത്രിസഭ വ്യാഴാഴ്ച അംഗീകാരം നല്കി. 13,262 കോടി രൂപയാണ് പദ്ധതി ചെലവ്.
കെആര് പുരം -യശ്വന്തപുര, റാഗിഗുഡ്ഡ-തലഘട്ടപുര, എംഇഐ ജംക്ഷന്-തുമക്കൂരു, ദൊഡ്ഡബല്ലാപുര റോഡ്, കൊഗ്ഗിലു സര്ക്കിള്, കോനനകുണ്ഡെ ക്രോസ്, രഘുവനഹള്ളി, ആനന്ദറാവു സര്ക്കിള്, നായന്തഹള്ളി, സിര്സി സര്ക്കിള്, കെആര് സര്ക്കിള് എന്നിവിടങ്ങളിലാണു മേല്പാലങ്ങള് വരിക.
75.6 കിലോമീറ്റര് ദൈര്ഘ്യമുള്ള മേൽപാല പദ്ധതി നഗരത്തിലെ ഗതാഗത പ്രശ്നങ്ങള്ക്ക് പരിഹാരം നല്കാനുള്ള നടപടിയുടെ ഭാഗമായാണെന്ന് നിയമ-പാര്ലമെന്ററി കാര്യ മന്ത്രി എച്ച് കെ പാട്ടീല് പറഞ്ഞു. 11 ഇടനാഴികളില് ഒമ്പതെണ്ണം പൊതു-സ്വകാര്യ പങ്കാളിത്ത മാതൃകയിലാണ് നിര്മ്മിക്കുക. മറ്റ് രണ്ടെണ്ണം ബില്ഡ്-ഓപ്പറേറ്റ്-ട്രാന്സ്ഫര് മാതൃകയിലാണ് നിര്മ്മിക്കുകയെന്നും മത്രി വ്യക്തമാക്കി.
WhatsApp
Telegram
