ബെംഗളൂരു : ബഹിരാകാശ ശാസ്ത്രജ്ഞൻ നമ്പി നാരായണൻ ഉൾപ്പെടെ 3 പേർക്ക് ബാഗൽക്കോട്ട് സർവകലാശാല ഓണററി ഡോക്ടറേറ്റ്. വെള്ളിയാഴ്ച നടക്കുന്ന സർവകലാശാലയുടെ ബിരുദദാനച്ചടങ്ങിൽ ഡോക്ടറേറ്റ് സമ്മാനിക്കും. 2023ൽ രൂപീകരിച്ച സർവകലാശാലയുടെ ആദ്യ ബിരുദസമർപ്പണ സമ്മേളനമാണിത്.
ജമഖണ്ഡി ബിഎൽഡിഇ അസോസിയേഷൻ ക്യാംപസിൽ ഇന്നു രാവിലെ 11.30നു നടത്തുന്ന ചടങ്ങിൽ നമ്പി നാരായണനെ കൂടാതെ ചിത്താർഗി വിജയ മഹന്തേഷ മഠാധിപതി ഗുരുമഹന്ത് സ്വാമി, വ്യവസായിയായ മഹേഷ് ബെല്ലാഡ് എന്നിവരും ബഹുമതി ഏറ്റുവാങ്ങും. ഗവർണർ താവർചന്ദ് ഗെലോട്ട് മുഖ്യാതിഥിയായിരിക്കും. നാഗ്പുർ ഐഐഎം ഡയറക്ടർ ഭീമരായ മേത്രി ബിരുദസമർപ്പണ പ്രസംഗം നടത്തും.
SUMMARY: Nambi Narayanan awarded honorary doctorate by Bagalkot University
