ബെംഗളൂരു: യുഎസ് വാഷിങ്ടൻ സ്വദേശിനി പീഡനത്തിന് ഇരയായ കുടകിലെ കുട്ടയിലെ ദേവി വില്ല ഹോംസ്റ്റേയുടെ ലൈസൻസ് ടൂറിസം വകുപ്പ് റദ്ദാക്കി. സഞ്ചാരികൾക്കായുള്ള സുരക്ഷാ ചട്ടങ്ങൾ ലംഘിച്ചതിനെ തുടർന്നാണു നടപടി സംഭവത്തിൽ ഹോം സ്റ്റേ ഉടമയേയും സഹായിയായ വ്രുജേഷ് കുമാറിനേയും പോലീസ് അറസ്റ്റ് ചെയ്തിരുന്നു.
അമേരിക്കയിൽ നിന്ന് അവധിക്കാലം ആഘോഷിക്കാനെത്തിയതായിരുന്നു യുവതി. പ്രതിയായ വ്രുജേഷ് കുമാർ ജ്യൂസിൽ മയക്കുമരുന്ന് കലർത്തി നൽകി യുവതിയെ ബലാത്സംഗം ചെയ്യുകയായിരുന്നു. ഇതിന് പിന്നാലെ വിവരം പുറംലോകം അറിയാതിരിക്കാൻ ഹോം സ്റ്റേ ഉടമ വൈഫൈ കണക്ഷൻ വിച്ഛേദിച്ചു. പിന്നീട് കണക്ഷൻ ലഭിച്ചതിന് ശേഷമാണ് ഹോം സ്റ്റേയിൽ നിന്ന് യുവതി പുറത്തുകടന്നതെന്നുമാണ് റിപ്പോർട്ട്. തുടർന്ന് യുവതി അമേരിക്കൻ എംബസിയെ വിവരം അറിയിച്ചു. എംബസി അധികൃതർ മൈസൂരു പോലീസിന് നൽകിയ ഇമെയിൽ പരാതിയുടെ അടിസ്ഥാനത്തിലാണ് കുട്ട പോലീസ് കേസെടുത്തത്. അറസ്റ്റിലായ പ്രതികളെ മെയ് 3 വരെ ജുഡീഷ്യൽ കസ്റ്റഡിയിൽ വിട്ടു. ആക്രമണത്തിന് ഇരയായ യുവതിയുടെ കൂടുതൽ വിവരങ്ങൾ പോലീസ് പുറത്തുവിട്ടിട്ടില്ല.
SUMMARY: American woman brutally assaulted in Kodagu; Homestay license revoked
