ന്യൂഡൽഹി: ദേശീയ തലത്തിൽ ജൂണിൽ നടക്കുന്ന യു.ജി.സി നെറ്റ് പരീക്ഷയ്ക്കുള്ള ഓൺലൈൻ അപേക്ഷ മെയ് 23 വരെ നീട്ടി. രജിസ്ട്രേഷൻ നടപടികൾ പൂർത്തിയാക്കാൻ കൂടുതൽ സമയം അനുവദിക്കണമെന്ന് ആവശ്യപ്പെട്ട് രാജ്യത്തിന്റെ വിവിധ ഭാഗങ്ങളിൽ നിന്നുള്ള ഉദ്യോഗാർത്ഥികളിൽ നിന്ന് അപേക്ഷകൾ ലഭിച്ചതിനെ തുടർന്നാണ് തീരുമാനമെന്ന് എൻ.ടി.എ ഔദ്യോഗിക വാർത്താക്കുറിപ്പിൽ അറിയിച്ചു.
- ഓൺലൈൻ അപേക്ഷ സമർപ്പിക്കൽ:
മെയ് 23, 2026 (രാവിലെ 10:00 മണി വരെ) - പരീക്ഷാ ഫീസ് അടയ്ക്കേണ്ട അവസാന തീയതി:
മെയ് 23, 2026 (രാത്രി 11:50 മണി വരെ) - അപേക്ഷകളിലെ തിരുത്തൽ വിൻഡോ:
മെയ് 25 മുതൽ മെയ് 27, 2026 വരെ
അവസാന നിമിഷത്തെ സാങ്കേതിക തടസ്സങ്ങളും വെബ്‌സൈറ്റിലെ അമിതമായ തിരക്കും ഒഴിവാക്കുന്നതിനായി ഉദ്യോഗാർത്ഥികൾ അവസാന തീയതിക്കായി കാത്തുനിൽക്കാതെ എത്രയും വേഗം രജിസ്ട്രേഷൻ പൂർത്തിയാക്കണമെന്ന് എൻ.ടി.എ നിർദ്ദേശിച്ചു.
പരീക്ഷാ തീയതികൾ, അഡ്മിറ്റ് കാർഡ്, പരീക്ഷാ കേന്ദ്രങ്ങളുടെ വിവരങ്ങൾ (എന്നിവയെക്കുറിച്ചുള്ള തുടർന്നുള്ള അപ്‌ഡേറ്റുകൾക്കായി ഉദ്യോഗാർത്ഥികൾ ugcnet.nta.nic.in എന്ന ഔദ്യോഗിക വെബ്‌സൈറ്റ് നിരന്തരം സന്ദർശിക്കേണ്ടതാണ്.
ഇത്തവണ പുതുതായി ഉൾപ്പെടുത്തിയ സ്റ്റാറ്റിസ്റ്റിക്സ്, ഫോറസ്ട്രി എന്നിവയുൾപ്പെടെ 87 വിഷയങ്ങളിലാണ് പരീക്ഷ നടക്കുന്നത്. ജൂൺ 22 മുതൽ 30 വരെ കമ്പ്യൂട്ടർ അധിഷ്ഠിതമായി (സി.ബി.ടി) നടത്തുന്ന ഈ പരീക്ഷയിൽ അസിസ്റ്റന്റ് പ്രൊഫസർ യോഗ്യത, ജെ.ആർ.എഫ്, പി.എച്ച്.ഡി പ്രവേശനം എന്നിവയ്ക്കാണ് ഉദ്യോഗാർത്ഥികളെ തെരഞ്ഞെടുക്കുന്നത്.
SUMMARY: UGC NET June 2026; Last date to apply extended
