ശ്രീനഗർ: നിയന്ത്രണ രേഖ മറികടന്ന് പാകിസ്ഥാനിലേക്ക് കടക്കാൻ ശ്രമിച്ച മൂന്നുപേർ പിടിയില്. ജമ്മു കാശ്മീരിലെ ബാരാമുള്ളയിലെ ഉറി സെക്ടറില് നിന്നാണ് ഇവർ പിടിയിലായത്. പിടിയിലായവരില് ഒരാള് സസ്പെൻഷനിലുള്ള ടെറിട്ടോറിയല് ആർമി ഉദ്യോഗസ്ഥനാണെന്ന് സൈനിക വൃത്തങ്ങള് അറിയിച്ചു. രഹസ്യ വിവരത്തെ തുടർന്ന് കരസേനയും ജമ്മു കാശ്മീർ പോലീസും ചേർന്ന് സംയുക്ത തെരച്ചില് നടത്തുകയായിരുന്നു.
ഉറിയിലെ ഹത്ലംഗ പ്രദേശത്ത് നിന്നാണ് ഇവർ പാകിസ്ഥാനിലേക്ക് കടക്കാൻ ശ്രമിച്ചത്. പിടിയിലായവർ സോപൂർ സബ് ഡിസ്ട്രിക്ട് സ്വദേശികളാണെന്ന് സൈന്യം വ്യക്തമാക്കി. കരസേനയുടെ ചിനാർ കോറും ജമ്മു കാശ്മീർ പോലീസും ചേർന്നാണ് അതിർത്തി കടക്കാനുള്ള ഇവരുടെ ശ്രമം തടഞ്ഞത്. ഇവർക്കൊപ്പം അതിർത്തി ലംഘിച്ചെത്തിയ പാക് അധീന കാശ്മീർ സ്വദേശിയെയും സൈന്യം പിടികൂടി. പിടിയിലായ സീഷൻ അഹമ്മദ് മീർ എന്നയാളെ സൈന്യം പോലീസിന് കൈമാറി. പിടിയിലായവരെ പോലീസ് ചോദ്യം ചെയ്ത് വരികയാണ്.
SUMMARY: Three arrested for trying to cross the Line of Control into Pakistan
