കുടക്: കുടക് പൊന്നംപേട്ട് താലൂക്കിലെ തിതിമതിക്കടുത്തുള്ള കൊന്നനക്കട്ടെ ഗ്രാമത്തിൽ കാട്ടാനയുടെ ആക്രമണത്തിൽ മുതിർന്ന ഇന്ത്യൻ പോലീസ് സർവീസ് (ഐപിഎസ്) ഉദ്യോഗസ്ഥന്റെ ഭാര്യ മരിച്ചു. ഐപിഎസ് ഉദ്യോഗസ്ഥൻ സുനിൽ അച്ചയ്യയുടെ ഭാര്യ സന്ധ്യ ( 60) ആണ് മരിച്ചത്.
വെള്ളിയാഴ്ച രാവിലെ 9 മണിയോടെ കൊന്നനക്കട്ടെയിലെ കാപ്പിത്തോട്ടത്തില് നടക്കാൻ പോയി വീട്ടിലേക്ക് മടങ്ങുമ്പോഴാണ് കാട്ടാന ആക്രമിച്ചത്. സ്ഥലത്തുണ്ടായിരുന്ന രണ്ട് കാപ്പിത്തോട്ട തൊഴിലാളികളെയും ആന ആക്രമിച്ചു. ഗുരുതര പരുക്കേറ്റ സന്ധ്യയെ ഉടൻ തന്നെ ഗോണിക്കോപ്പലിലെ ലോപമുദ്ര ആശുപത്രിയിലെത്തിച്ചെങ്കിലും രക്ഷപ്പെടുത്താനായില്ല. പരുക്കേറ്റ തൊഴിലാളികൾ ആശുപത്രിയിൽ ചികിത്സയിലാണ്.
SUMMARY: Wild elephant attack; Senior IPS officer’s wife killed in Kodagu
