കൊച്ചി: കൊച്ചി ശാസ്ത്ര സാങ്കേതിക സർവകലാശാല (കുസാറ്റ്) ജോയിന്റ് രജിസ്ട്രാറും സർവകലാശാലാ രജിസ്ട്രാറുടെ പേഴ്സണൽ അസിസ്റ്റന്റുമായ ടി.ബി.മുഹമ്മദ് സലിം (54) ഷോക്കേറ്റ് മരിച്ചു. മോട്ടോർ നന്നാക്കുന്നതിനിടെ ഇടപ്പള്ളിയിലെ താമരശ്ശേരി വീട്ടിൽ വച്ചാണ് ഷോക്കേറ്റത്.
പറമ്പിൽ കൃഷിയാവശ്യങ്ങൾക്കായി ഉപയോഗിച്ചിരുന്ന മോട്ടോറിൽ നിന്നാണ് ഇദ്ദേഹത്തിന് ഷോക്കേറ്റതെന്നാണ് കരുതപ്പെടുന്നത്. അപകടത്തിന് പിന്നാലെ ഇദ്ദേഹത്തെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായല്ല. അപകടത്തെ തുടർന്ന് മരണപ്പെട്ട മുഹമ്മദ് സലിമിന്റെ മൃതദേഹം നിലവിൽ എറണാകുളം അമൃത ആശുപത്രിയിലാണ് സൂക്ഷിച്ചിരിക്കുന്നത്.
ഭാര്യ: ഷിനു സലിം. മക്കൾ: ഹനീന, ഹാനിയ, സന.
SUMMARY: CUSAT Joint Registrar dies of shock
