ഇ​ന്ത്യാ സഖ്യത്തിന്റെ പ്ര​തീ​കാ​ത്മ​ക ഇംപീച്ച്‌മെന്റ് ആരംഭിച്ചു; ഗ്യാനേഷ് കുമാറിനെ പുറത്താക്കി രാജ്യദ്രോഹ കുറ്റംചുമത്തി വിചാരണ ചെയ്യണം- രാഹുൽ ഗാന്ധി

2023ലെ തിരഞ്ഞെടുപ്പ് കമ്മിഷൻ ഭേദഗതി പ്രകാരം ലഭിച്ച നിയമപരിരക്ഷ തന്നെ രക്ഷിക്കുമെന്നാണ് ഗ്യാനേഷ് കുമാർ കരുതുന്നതെങ്കിൽ രാജ്യത്തെ ജനങ്ങളുടെ മനോഭാവം അദ്ദേഹം മനസിലാക്കണം. പ്രതിപക്ഷ നേതാക്കളും പൊതുജനങ്ങളും ഗ്യാനേഷിനെ രക്ഷപ്പെടാൻ അനുവദിക്കില്ലെന്നും രാഹുൽ പറഞ്ഞു. മ​റ്റ് എ​ല്ലാ വ​ഴി​ക​ളും അ​ട​ഞ്ഞ സാ​ഹ​ച​ര്യ​ത്തി​ലാ​ണ് ഗ്യാ​നേ​ഷ് കു​മാ​റി​നെ​തി​രെ ഒ​ന്ന​ട​ങ്കം പ്ര​തി​പ​ക്ഷം ഒ​ന്നി​ച്ചെ​ത്തി​യ​ത്. മോ​ദി​യെ​യും അ​മി​ത് ഷാ​യെ​യും രാ​ഷ്ട്രീ​യ​മാ​യി നേ​രി​ടാ​ൻ പ്ര​തി​പ​ക്ഷ​ത്തി​ന് അ​റി​യാം. എ​ന്നാ​ൽ അ​വ​രു​ടെ ആ​യു​ധ​മാ​യി തെ​ര​ഞ്ഞെ​ടു​പ്പ് ക​മ്മീ​ഷ​ന് എ​ക്കാ​ല​വും തു​ട​രാ​നാ​വി​ല്ലെ​ന്നും രാ​ഹു​ൽ തു​റ​ന്ന​ടി​ച്ചു.

LIVE: The Public Impeachment of Gyanesh Kumar | 10 Rajaji Marg, New Delhi https://t.co/5MibXvntMk

— Rahul Gandhi (@RahulGandhi) October 31, 2026

ഭ​ര​ണ​ഘ​ട​ന സം​ര​ക്ഷി​ക്കാ​നു​ള്ള പ​രി​ശു​ദ്ധ പോ​രാ​ട്ട​മാ​ണി​തെ​ന്നും അ​ദ്ദേ​ഹം പ​റ​ഞ്ഞു. തി​ര​ഞ്ഞെ​ടു​പ്പു​ക​ൾ അ​ട്ടി​മ​റി​ച്ചാ​ലും ഭ​ര​ണ​ഘ​ട​നാ സ്ഥാ​പ​ന​ങ്ങ​ളെ കൈ​വ​ശ​പ്പെ​ടു​ത്തി​യാ​ലും ജ​ന​ങ്ങ​ളു​ടെ ശ​ബ്ദം കേ​ൾ​ക്കേ​ണ്ടി​വ​രും. ഇ​ന്ത്യ​യു​ടെ ആ​ത്മാ​വി​നെ​യാ​ണ് ആ​ക്ര​മി​ക്കു​ന്ന​തെ​ന്നും അ​ട്ടി​മ​റി​ക്ക് കൂ​ട്ടു​നി​ന്ന​വ​രു​ടെ നാ​ശ​ത്തി​നാ​യാ​ണ് ഈ ​രാ​ഷ്ട്രീ​യ കൂ​ട്ടാ​യ്മ​യെ​ന്നും അ​ദ്ദേ​ഹം ആ​രോ​പി​ച്ചു.

കോ​ൺ​ഗ്ര​സ് അ​ധ്യ​ക്ഷ​ൻ മ​ല്ലി​കാ​ർ​ജു​ൻ ഖാ​ർ​ഗെ​യു​ടെ വ​സ​തി​യി​ൽ ചേ​ർ​ന്ന യോ​ഗ​ത്തി​ൽ 250 എം​പി​മാ​രാ​ണ് ഗ്യാ​നേ​ഷ് കു​മാ​റി​നെ​തി​രാ​യ നീ​ക്ക​ത്തി​ൽ പ​ങ്കു​ചേ​ർ​ന്ന​ത്. ഗ്യാ​നേ​ഷ് കു​മാ​ർ നി​യ​മ​പ​ര​മാ​യ വി​ചാ​ര​ണ നേ​രി​ട​ണ​മെ​ന്ന ആ​വ​ശ്യ​വു​മാ​യി പ്ര​തി​പ​ക്ഷം അ​വ​ത​രി​പ്പി​ച്ച പ്ര​മേ​യം വോ​ട്ടെ​ടു​പ്പി​ലൂ​ടെ പാ​സാ​ക്കി. മുൻ ലോക്‌സഭാ സ്പീക്കർ മീരാകുമാറായിരുന്നു നടപടികൾ നിയന്ത്രിച്ചത്. പാർലമെന്റിലെ യഥാർത്ഥ നടപടിക്രമങ്ങളുടെ മാതൃകയിലായിരുന്നു പരിപാടി. പഴയ പാർലമെന്റ് മന്ദിരത്തിലെ സെൻട്രൽ ഹാളിന്റെ മാതൃകയിലായിരുന്നു പരിപാടിയുടെ വേദിയും ഇരിപ്പിട ക്രമീകരണവും.

നവംബർ ഒന്നിന് ഡൽഹിയിസെ രാാംലീല മൈതാനത്ത് ഇന്ത്യ മുന്നണി സംഘടിപ്പി്ക്കുന്ന മഹാറാലിക്ക് മുന്നോടിയായാണ് ജനകീയ കുറ്റവിചാരണ സംഘടിപ്പിച്ചത്. ഗ്യാനേഷ് കുമാറിനെ പുറത്താക്കണമെന്ന് ആവശ്യപ്പെട്ട് പ്രതിപക്ഷത്തിന്റെ നേതൃത്വത്തിൽ തുടരുന്ന പ്രതിഷേധങ്ങളുടെ ഭാഗമായാണ് റാലി സംഘടിപ്പിക്കുന്നത്.
SUMMARY: Mock impeachment of India alliance begins; Ganesh Kumar should be expelled and tried on charges of sedition – Rahul Gandhi