മലപ്പുറം: കരുളായില്‍ കാട്ടാന ആക്രമണത്തില്‍ വയോധികയ്‌ക്ക് പരുക്കേറ്റു. കരുളായി സ്വദേശിനി സൈനബ(62)ക്കാണ് പരുക്കേറ്റത്. കരുളായി ശങ്കരന്‍കോട് പ്ലാന്റേഷനിലാണ് സംഭവം. പരുക്കേറ്റ വയോധികയെ മഞ്ചേരി മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു. വനമേഖലയില്‍ തേക്ക് തൈകള്‍ വച്ചു പിടിപ്പിക്കുന്ന ജോലിക്കിടയിലാണ് കാട്ടാന ആക്രമിച്ചത്. ബുധനാഴ്ച രാവിലെയാണ് സംഭവം.
സൈനബയ്‌ക്കൊപ്പം ഉണ്ടായിരുന്ന മറ്റ് തൊഴിലാളികള്‍ ഓടി രക്ഷപ്പെട്ടു. അതേസമയം ഇന്ന് രാവിലെ വയനാട് മാനന്തവാടിയിലും കാട്ടാന ആക്രമണമുണ്ടായിരുന്നു. ആക്രമണത്തില്‍ രാജുവെന്ന തോട്ടം തൊഴിലാളി കൊല്ലപ്പെടുകയും ചെയ്തിരുന്നു. കൊല്ലപ്പെട്ട രാജുവിന്‍റെ കുടുംബത്തിന് 14 ലക്ഷം രൂപ നഷ്ടപരിഹാരം പ്രഖ്യാപിച്ചിട്ടുണ്ട്. അഞ്ച് ലക്ഷം രൂപ അടിയന്തരമായി കൈമാറുമെന്നും മാനന്തവാടി എംഎല്‍എ ഉഷ വിജയൻ അറിയിച്ചിട്ടുണ്ട്.
SUMMARY: Another wild elephant attack in the state; Elderly woman injured in Malappuram
