എഥനോള്‍ ചേര്‍ത്ത പെട്രോളിന് ഇനി എക്സൈസ് നികുതിയില്ല; പ്രഖ്യാപനവുമായി കേന്ദ്ര സര്‍ക്കാര്‍

ഡല്‍ഹി: രാജ്യത്ത് എഥനോള്‍ ചേർത്ത പെട്രോളിന് പൂർണ്ണമായ എക്സൈസ് നികുതി ഇളവ് പ്രഖ്യാപിച്ച്‌ കേന്ദ്ര സർക്കാർ. 22 മുതല്‍ 30 ശതമാനം വരെ എഥനോള്‍ അടങ്ങിയ പെട്രോള്‍ ഇനങ്ങള്‍ക്കാണ് ഈ നികുതിയിളവ് ബാധകമാകുന്നത്. രാജ്യത്തെ ക്രൂഡ് ഓയില്‍ ഇറക്കുമതി കുറയ്ക്കുന്നതിനും പരിസ്ഥിതി സൗഹൃദ ബദല്‍ ഇന്ധനങ്ങളുടെ ഉപയോഗം പ്രോത്സാഹിപ്പിക്കുന്നതിനുമാണ് കേന്ദ്രത്തിന്റെ ഈ പുതിയ നീക്കം.

ഇ22, ഇ25, ഇ27, ഇ30 എന്നീ വിഭാഗങ്ങളില്‍പ്പെടുന്ന പെട്രോളുകള്‍ക്കാണ് ഈ പുതിയ ആനുകൂല്യം ലഭിക്കുക. ഇതില്‍ ഇ22 ഇന്ധനത്തില്‍ 22 ശതമാനവും, ഇ25ല്‍ 25 ശതമാനവും, ഇ27ല്‍ 27 ശതമാനവും, ഇ30ല്‍ 30 ശതമാനവും വീതമാണ് എഥനോളിന്റെ അളവ് അടങ്ങിയിരിക്കുന്നത്. ബാക്കി ഭാഗം സാധാരണ പെട്രോളായിരിക്കും.

SUMMARY: No more excise duty on petrol mixed with ethanol; Central government announces