തിരുവനന്തപുരം: തിരുവനന്തപുരം പാപ്പനംകോട് കെഎസ്ആര്ടിസി ബസ് കടയിലേക്ക് ഇടിച്ചുകയറി അപകടം. നിയന്ത്രണം നഷ്ടപ്പെട്ട ബസ് ലോട്ടറി കടയിലേക്കാണ് ഇടിച്ചുകയറിയത്. ഇന്ന് പുലര്ച്ചെ ആറരയോടെയായിരുന്നു സംഭവം. ബസില് യാത്രക്കാര് ആരും ഉണ്ടായിരുന്നില്ല. ബസിന്റെ ഡ്രൈവര്ക്കും കണ്ടക്ടര്ക്കും ലോട്ടറി വില്പ്പനക്കാരനുമാണ് പരുക്കേറ്റത്. ഡ്രൈവറുടെ പരിക്ക് ഗുരുതരമാണെന്നാണ് റിപ്പോർട്ട്. ഇവരെ തിരുവനന്തപുരം മെഡിക്കല് കോളേജില് പ്രവേശിപ്പിച്ചിരിക്കുകയാണ്.
അമിത വേഗതയിലായിരുന്ന ബസ് കടയിലേക്ക് ഇടിച്ചു കയറുകയായിരുന്നു എന്നാണ് ദൃക്സാക്ഷികൾ പറയുന്നത്. സംഭവം നടന്നത് രാവിലെ ആയതുകൊണ്ടും കടയിൽ അധികം ആളില്ലാത്തതും അപകടത്തിന്റെ വ്യാപ്തി കുറച്ചു. അപകട വിവരം അറിഞ്ഞെത്തിയ ഫയർഫോഴ്സ് ആണ് പരിക്കേറ്റവരെ പുറത്തെടുത്തത്.
SUMMARY: KSRTC bus loses control and crashes into lottery shop in Thiruvananthapuram; 3 injured
