തൃശൂർ: തൃശൂരില്‍ വിദ്യാർഥികളെ ബസില്‍ കയറ്റാതിരുന്ന സംഭവത്തില്‍ നടപടിയെടുത്ത് മോട്ടോർ വാഹന വകുപ്പ്. സംഭവത്തില്‍ കണ്ടക്ടറുടെ ലൈസൻസ് മോട്ടോർ വാഹന വകുപ്പ് സസ്പെൻഡ് ചെയ്തു. കണ്ടക്ടർ വിദ്യാർഥികളെ ബസില്‍ കയറ്റാതിരിക്കുന്നതും വിദ്യാർഥികള്‍ കേണപകേക്ഷിക്കുവന്നതുമായ ദൃശ്യങ്ങള്‍ പുറത്ത് വന്നിരുന്നു. ഇത് വലിയ ചർച്ചയായതിന് പിന്നാലെയാണ് കണ്ടക്ടർ രാംദാസിന്റെ ലൈസൻസ് സസ്പെൻഡ് ചെയ്തത്.
മൂന്നുമാസത്തേക്കാണ് ലൈസൻസ് സസ്പെൻഡ് ചെയ്തത്. രാംദാസിന് പ്രത്യേക ബോധവല്‍ക്കരണ ക്ലാസ് നല്‍കാനും മോട്ടോർ വാഹന വകുപ്പ് തീരുമാനിച്ചിട്ടുണ്ട്. കഴിഞ്ഞദിവസം വടക്കാഞ്ചേരിയിലായിരുന്നു സംഭവം ഉണ്ടായത്. മണിക്കൂറുകളോളം ബസില്‍ കയറാൻ കാത്തുനിന്ന വിദ്യാർത്ഥികളെ കണ്ടക്ടർ ബസ്സില്‍ കയറ്റിയില്ല. ഒടുവില്‍ സമയം വൈകിയപ്പോള്‍ വിദ്യാർത്ഥികള്‍ കൈകൂപ്പി അഭ്യർഥിച്ചെങ്കിലും കണ്ടക്ടർ കൂട്ടാക്കിയില്ല.
SUMMARY: Conductor’s license suspended for not allowing students onto bus
