ബെംഗളൂരു: മുൻമുഖ്യമന്ത്രി ഉമ്മൻചാണ്ടിയുടെ സ്മരണയ്ക്കായി കർണാടക പ്രവാസി കോൺഗ്രസ് സംഘടിപ്പിച്ച ‘സ്നേഹസാന്ത്വനം’- പാവപ്പെട്ട കുട്ടികള്ക്കുള്ള സ്കൂൾ കിറ്റ് വിതരണം ബെംഗളൂരു ഈസ്റ്റ് ജില്ലാ പ്രസിഡന്റ് മോഹൻബാബു ഉദ്ഘാടനം ചെയ്തു. മികച്ച വിദ്യാർഥികൾക്ക് മെറിറ്റ് അവാർഡും നൽകി.
കെപിസി പ്രസിഡന്റ് അഡ്വ. സത്യൻ പുത്തൂരിന്റെ അദ്ധ്യക്ഷതയിൽ നടന്ന യോഗത്തിൽ പ്രോഗ്രാം കൺവീനർ ഷാജൻ കെ ജോസഫ് സ്വാഗതം പറഞ്ഞു. സോമരാജൻ, ജെയ്സൺ ലുക്കോസ്, സുമോജ് മാത്യു, അഗര പ്രകാശ്, സിന്റോ പി സിംലാസ്, ബിനോയ് സ്കറിയ, വിനോദ് ബെര്ണാഡ്, മെർലിൻ, ബിന്ദു, റെജി, ഡിനു എന്നിവർ നേതൃത്വം നൽകി.
