ബെംഗളൂരു: മാണ്ഡ്യയിൽ കാറിൽ കടത്തുകയായിരുന്ന 60 ലക്ഷം രൂപ വിലമതിക്കുന്ന 111 കിലോ കഞ്ചാവ് പോലീസ് പിടികൂടി. രഹസ്യ വിവരത്തിൻ്റെ അടി സ്ഥാനത്തിൽ കുനിഗലിൽനിന്ന് മദ്ദൂരിലേക്ക് പോകുകയായിരുന്ന കാർ പരിശോധിച്ചപ്പോഴാണ് 51 പ്ലാസ്റ്റിക് പാക്കറ്റിൽ കഞ്ചാവ് കണ്ടത്തിയത്.
സംഭവത്തിൽ ആന്ധ്രപ്രദേശിലെ മദനപ്പള്ളി സ്വദേശിയായ സി. ശ്രീനിവാസ് എന്ന യുവാവിനെ പോലീസ് അറസ്റ്റ് ചെയ്തു. മലവള്ളി സബ് ഡിവിഷൻ ഡിവൈ.എസ്.പി. എസ്.ബി. യശ്വന്ത് കുമാറിൻ്റെ നേതൃത്വത്തിലുള്ള പ്രത്യേക സംഘമാണ് കഞ്ചാവ് പിടികൂടിയത്. കഞ്ചാവ് കടത്താനുപയോഗിച്ച കാറും പിടിച്ചെടുത്തു. ആന്ധ്രയിൽനിന്ന് കർണാടകയിൽ വൻതോതിൽ കഞ്ചാവ് എത്തിക്കുന്ന സംഘത്തിലെ യുവാവാണ് പിടിയിലായതെന്ന് പോലീസ് പറഞ്ഞു.
SUMMARY:111 kg of ganja seized while being smuggled in a car
