മുഹറം ഘോഷയാത്ര; ഹൊസൂർ റോഡിൽ ‌‌ഗതാഗത നിയന്ത്രണം

ഹൊസൂർ റോഡിലേക്ക് പോകുന്ന വാഹനങ്ങൾ:
ബ്രിഗേഡ് റോഡ് വഴി ഹൊസൂർ റോഡിലേക്കും, വെള്ളറ ജംക്‌ഷൻ (ഷൂലെ സർക്കിൾ) വഴി റിച്ച്‌മണ്ട് റോഡിലേക്കും പോകുന്ന വാഹനങ്ങൾ പഴയ പോലീസ് സ്റ്റേഷൻ ജംഗ്ഷനിൽ നിന്ന് ഇടത്തോട്ട് തിരിഞ്ഞ് വുഡ് സ്ട്രീറ്റ്, ടേറ്റ് ലെയ്ൻ വഴി റിച്ച്‌മണ്ട് റോഡിലെത്തണം. അവിടെ നിന്ന് ശാന്തിനഗർ ജംഗ്ഷൻ, ലാംഗ്ഫോർഡ് റോഡ്, നഞ്ചപ്പ സർക്കിൾ വഴി ഹൊസൂർ റോഡിലേക്ക് യാത്ര തുടരാവുന്നതാണ്.

അഡുഗോഡിയിൽ നിന്നുള്ള വാഹനങ്ങൾ:
ഹൊസൂർ റോഡിലൂടെ പോകേണ്ട വാഹനങ്ങൾ ആനേപാളയ ജംക്‌ഷനു സമീപമുള്ള സെമിത്തേരി ക്രോസിൽ നിന്ന് ഇടത്തോട്ട് തിരിഞ്ഞ് ബെർലി സ്ട്രീറ്റ്, ലാങ്‌ഫോർഡ് റോഡ്, നഞ്ചപ്പ സർക്കിൾ വഴി പോകണം.

ഭാരവാഹനങ്ങൾ:
ഹൊസൂർ റോഡ് ഭാഗത്തുനിന്ന് വരുന്ന ഭാരവാഹനങ്ങൾ അഡുഗോഡി ജംഗ്ഷൻ, മൈക്കോ ജംഗ്ഷൻ, എട്ടാം മെയിൻ റോഡ്, വിൽസൺ ഗാർഡൻ മെയിൻ റോഡ്, സിദ്ധയ്യ റോഡ് എന്നിവ വഴി തിരിച്ചുവിടും.