മിയാമി: ലോകകപ്പിലെ ഗ്രൂപ്പ് കെയില് പോര്ച്ചുഗലും കൊളംബിയയുമായുള്ള മല്സരം ഗോള്രഹിത സമനിലയില്. ഇതോടെ ഗ്രൂപ്പിൽനിന്ന് ഒന്നാംസ്ഥാനക്കാരായി കൊളംബിയയും (ഏഴു പോയിന്റ്) രണ്ടാംസ്ഥാനക്കാരായി പോർച്ചുഗലും (അഞ്ചുപോയിന്റ്) നോക്കൗട്ടിൽ കടന്നു. ഗ്രൂപ്പിലെ നിർണായകമായ മറ്റൊരു മത്സരത്തിൽ കോംഗോ ഉസ്ബെക്കിസ്താനോട് ഒന്നിനെതിരേ മൂന്ന് ഗോളുകൾക്ക് ജയിച്ചു. ഇതോടെ മികച്ച മൂന്നാംസ്ഥാനക്കാരുടെ പട്ടികയിൽ കോംഗോയും നോക്കൗട്ട് ഉറപ്പിച്ചു. ക്രൊയേഷ്യയാണ് റൗണ്ട് ഓഫ് 32 ൽ പോർച്ചുഗലിന്റെ എതിരാളി.
മത്സരത്തിളുടനീളം കടുത്ത ആക്രമണ ശൈലിയാണ് കൊളംബിയ പുറത്തെടുത്തത്. ഗോളവസരങ്ങള് സൃഷ്ടിക്കുന്നതിലും ആദ്യ പകുതിയില് കൊളംബിയ മുന്നിട്ടു നിന്നു. 6 ഷോട്ടുകൾ കൊളംബിയ ലക്ഷ്യത്തിലേക്ക് തൊടുത്തപ്പോൾ പോർച്ചുഗലിന് 2 ഷോട്ടുകൾ മാത്രമാണ് പോസ്റ്റിലേക്ക് പായിക്കാനായത്. ആദ്യ പകുതിയുടെ അവസാന മിനിറ്റുകള് മുതല് മികച്ച അവസരങ്ങള് പോര്ച്ചുഗല് സൃഷ്ടിച്ചു. ഇൻജുറി സമയത്ത് കൊളംബിയയ്ക്കായി ഡേവിൻസൺ സാഞ്ചസ് വല കുലുക്കിയെങ്കിലും വാർ പരിശോധനയിൽ ഓഫ്സൈഡ് വിധിച്ച് ഗോൾ റദ്ദാക്കി.
SUMMARY: Portugal-Colombia match ends in a goalless draw; Colombia in the knockout as group champions, Portugal second
