ബെംഗളൂരു: സംസ്ഥാനത്ത് വനിതകൾക്കായി സർക്കാർതലത്തിൽ ഡ്രൈവിങ് സ്കൂൾ ആരംഭിക്കുന്നു. ബിഡദിയിൽ ട്രാൻസ്പോർട്ട് ഭവനോട് ചേർന്നാണ് പരിശീലന കേന്ദ്രം സ്ഥാപിക്കുന്നത്. വിമൻസ് ഒൻട്രപ്രനേഴ്സ് ഓഫ് കർണാടകയുമായി സഹകരിച്ച് ബിഎംടിസിയുടെ നേതൃത്വത്തിലാണ് വനിതകൾക്ക് ഹെവി ലൈസൻസ് ഉൾപ്പെടെയുള്ള പരിശീലനം നൽകുകന്നത്.
രാജ്യത്ത് ആദ്യമായാണ് സർക്കാർ തലത്തിൽ ഇത്തരമൊരു പദ്ധതി നടപ്പാക്കുന്നത്. സ്ത്രീകളുടെ തൊഴിലവസരങ്ങൾ മെച്ചപ്പെടുത്തുന്നതിനും ഗതാഗത മേഖലയിൽ അവരുടെ പങ്കാളിത്തം വർധിപ്പിക്കുന്നതിനും ലക്ഷ്യമിട്ടാണ് നടപടിയെന്ന് ഗതാഗതമന്ത്രി ബൈരതി സുരേഷ് അറിയിച്ചു. ഇൻസ്റ്റിറ്റ്യൂട്ടിൽ ചേരുന്ന സ്ത്രീകൾക്ക് വ്യത്യസ്തതരം വാഹനങ്ങൾ ഓടിക്കുന്നതിനുള്ള പരിശീലനം നൽകുമെന്നും മന്ത്രി അറിയിച്ചു. കേന്ദ്ര സർക്കാരും സംസ്ഥാന സർക്കാരും സംയുക്തമായി നടത്തുന്ന പങ്കാളിത്തത്തിലൂടെയാണ് സ്ഥാപനം വികസിപ്പിക്കുന്നത്. അസോസിയേഷൻ ഓഫ് വിമൻ എന്റർപ്രണേഴ്സ് ഓഫ് കർണാടകയായിരിക്കും നൈപുണ്യ വികസന പരിശീലനം നൽകുക.
SUMMARY: Government provides driving training to women
