ബെംഗളൂരു: ഡേ കെയറിൽ കുട്ടികളെ ഉപദ്രവിച്ച രണ്ട് ആയമാർ അറസ്റ്റിൽ. മഞ്ജുള, വിജയകുമാരി എന്നിവരാണ് അറസ്റ്റിലായതെന്ന് പോലീസ് പറഞ്ഞു. ബെംഗളൂരുവിൽ കാപ്ജെമിനി ഐടി കമ്പനി ക്യാംപസിലെ ഡേകെയർ സെന്ററിൽ കുഞ്ഞുങ്ങളെ അതിക്രൂരമായി ഉപദ്രവിച്ച കേസിലെ ഒന്നും രണ്ടും പ്രതികളാണ് അറസ്റ്റിലായത്. ഇവരെ കോടതിയിൽ ഹാജരാക്കി റിമാൻഡ് ചെയ്തു. കേസിലെ മറ്റു 3 പേരെ കൂടി ഉടൻ അറസ്റ്റ് ചെയ്തേക്കും.
കുട്ടികളെ ഉപദ്രവിക്കുന്നതിന്‍റെ വീഡിയോ വൈറലായതിനെത്തുടർന്നാണ് ഇവരെ അറസ്റ്റ് ചെയ്തത്. രണ്ടിനും മൂന്നിനുമിടയിൽ പ്രായമുള്ള കുഞ്ഞുങ്ങളെയാണ് ഇവർ ഉപദ്രവിച്ചത്. കുഞ്ഞുങ്ങളെ വാഷിംഗ് മിഷനുള്ളിൽ ഇരുത്തുകയും ബാത്തുറൂമിൽ പൂട്ടിയിടുകയും ചെയ്തതിന്‍റെ വീഡിയോ ദൃശ്യങ്ങൾ പുറത്തുവന്നിട്ടുണ്ട്. കുട്ടികളെ പരിചരിക്കാൻ പരിശീലനമൊന്നും ഇവർക്കു നൽകിയിരുന്നില്ലെന്നും പോലീസ് കണ്ടെത്തിയിട്ടുണ്ട്. കുട്ടികളുടെ രക്ഷിതാക്കളുടെ മൊഴിയെടുത്തതിനു പുറമേ സിസിടിവി ദൃശ്യങ്ങളും പരിശോധിക്കുന്നുണ്ട്.
SUMMARY: Two nannies arrested for molesting children at a daycare in Bengaluru
