ബെംഗളൂരു: പരിസ്ഥിതി സംരക്ഷണവും പ്ലാസ്റ്റിക് മാലിന്യ നിർമ്മാർജനവും ലക്ഷ്യമാക്കി ലയൺസ് ക്ലബ് ഓഫ് ബെംഗളൂരു ബഞ്ജാരയുടെ നേതൃത്വത്തിൽ നടപ്പാക്കുന്ന പ്ലാസ്റ്റിക് ബോട്ടിൽ കളക്ഷൻ ബിൻ സ്ഥാപിക്കുന്ന പദ്ധതിക്ക് ഹോരമാവ് അഗര ബസ് സ്റ്റാൻഡിൽ തുടക്കമായി.
പദ്ധതിയുടെ ഭാഗമായി ബെംഗളൂരുവിലെ വിവിധ പൊതുസ്ഥലങ്ങളിൽ 100 പ്ലാസ്റ്റിക് ബോട്ടിൽ കളക്ഷൻ ബിനുകൾ സ്ഥാപിക്കാനാണ് ലക്ഷ്യമിടുന്നത്. പദ്ധതിയുടെ ആദ്യ ബിൻ ലയൻസ് ക്ലബ് ബെംഗളൂരു ബഞ്ജാര പ്രകാശ് അഗര ഉദ്ഘാടനം ചെയ്തു. പ്രസിഡന്റ് സുമേഷ് അധ്യക്ഷത വഹിച്ചു. ലയൺ ചിന്നപ്പ തോമസ്, ലയൻസ് ക്ലബ് ഡിസി എന്വയോമെന്റും സോൺ ചെയർപേഴ്സനുമായ ലയൺ ഡോ. രതീഷ് വി എൽ മറ്റു അംഗങ്ങള് എന്നിവര് പങ്കെടുത്തു.
ട്രസ്റ്റ്-ജി ഫാബ്രിക്കേഷൻ ആണ് ആദ്യ ബിൻ നിർമ്മിച്ച് സംഭാവന ചെയ്തത്. ഉപയോഗശൂന്യമായ പ്ലാസ്റ്റിക് കുപ്പികൾ പൊതുസ്ഥലങ്ങളിൽ വലിച്ചെറിയാതെ ഇത്തരം ബിനുകളിൽ നിക്ഷേപിക്കുന്നതിലൂടെ ശുചിത്വം ഉറപ്പാക്കാനും പ്ലാസ്റ്റിക് മലിനീകരണം കുറയ്ക്കാനും പൊതുജനങ്ങളുടെ സഹകരണം അഭ്യർത്ഥിക്കുന്നതായി സംഘാടകർ അറിയിച്ചു.
SUMMARY: Plastic bottle collection bin installed
