ബെംഗളൂരു: ബെംഗളൂരുവിലെ ബൊമ്മനഹള്ളിയിൽ പശ്ചിമ ബംഗാൾ സ്വദേശിനിയായ യുവതിയെ കൊലപ്പെടുത്തിയ കേസിൽ കാമുകനെ പോലീസ് അറസ്റ്റ് ചെയ്തു. കൃഷ്ണ ബർമൻ എന്ന 40 കാരിയെയാണ് കഴിഞ്ഞ ദിവസം കൊല്ലപ്പെട്ട നിലയില് കണ്ടെത്തിയത്. ബിഹാര് സ്വദേശി സംജീവ് പാസ്വാൻ (40) ആണ് അറസ്റ്റിലായത്. ജൂണ് 28 ന് ഹോങ്ങസാന്ദ്ര മുനിയപ്പ ലെഔട്ടിലെ താമസസ്ഥലത്ത് യുവതിയെ കൊലപ്പെട്ടനിലയില് കണ്ടെത്തുകയായിരുന്നു. ഇരുവരും തമ്മില് പ്രണയത്തിലായിരുന്നു. എന്നാല് യുവതിക്ക് മറ്റൊരാളുമായുള്ള ബന്ധത്തെച്ചൊല്ലിയുള്ള സംശയവും തർക്കവുമാണ് കൊലപാതകത്തിലേക്ക് നയിച്ചതെന്നാണ് പോലീസിന്റെ പ്രാഥമിക അന്വേഷണത്തിൽ വ്യക്തമായത്.
യുവതി താമസിച്ചിരുന്ന വീട്ടിൽ വച്ചാണ് പ്രതി ഗ്യാസ് സിലിണ്ടർ ഉപയോഗിച്ച് തലക്കടിച്ച് കൊലപാതകം നടത്തിയത്. സംഭവത്തിന് ശേഷം ഒളിവിൽ പോയ പ്രതിയെ പ്രത്യേക അന്വേഷണസംഘം നടത്തിയ പരിശോധനയിൽ പിടികൂടുകയായിരുന്നു. ശാസ്ത്രീയ തെളിവുകളും സിസിടിവി ദൃശ്യങ്ങളും ശേഖരിച്ച് അന്വേഷണം പുരോഗമിക്കുകയാണെന്ന് പോലീസ് അറിയിച്ചു.
SUMMARY: Woman murdered in Bommanahalli; boyfriend arrested
