തിരുവനന്തപുരം: പ്ലസ് വൺ പരീക്ഷാഫലം ഇന്ന് പ്രഖ്യാപിക്കും. മൂന്ന് മണിയോടെ വിദ്യാഭ്യാസ വകുപ്പിന്റെ വിവിധ വെബ് സൈറ്റുകളിൽ ഫലം പ്രസിദ്ധീകരിക്കും. ഫലപ്രഖ്യാപനം ജൂൺ അവസാനവാരത്തിൽ ഉണ്ടാകുമെന്നായിരുന്നു ആദ്യം അറിയിച്ചിരുന്നത്. പിന്നീട് ഇത് ജൂലൈ 15ലേയ്ക്ക് മാറ്റിയതായും അറിയിപ്പെത്തി. രണ്ട് തവണ നീട്ടിവെച്ച ശേഷമാണ് ഇന്ന് ഫലം പ്രഖ്യാപിക്കുന്നത്.
ഔദ്യോഗിക വെബ്സൈറ്റായ results.hse.kerala.gov.in ൽ പരീക്ഷ ഫലം ലഭ്യമാകും. സൈറ്റിൽ Kerala Plus One Result 2026 എന്ന ലിങ്കിൽ ക്ലിക്ക് ചെയ്യുക. റജിസ്ട്രേഷൻ നമ്പരും ജനനത്തീയതിയും നൽകുക. ആവശ്യമായ മറ്റ് വിവരങ്ങളും നൽകുക. സ്ക്രീനിൽ ലഭ്യമാകുന്ന പരീക്ഷാ ഫലം തുടർ ആവശ്യങ്ങൾക്കായി ഡൗൺലോഡ് ചെയ്ത് സൂക്ഷിക്കാം.
dhsekerala.gov.in
results.hse.kerala.gov.in
keralaresults.nic.in
results.kite.kerala.gov.in
results.kerala.gov.in
DigiLocker
PRD Live
Saphalam KITE mobile app എന്നിവ വഴിയും ഫലം പരിശോധിക്കാവുന്നതാണ്.
2026 മാർച്ച് 5 മുതൽ മാർച്ച് 27 വരെ നടന്ന കേരള പ്ലസ് വൺ പരീക്ഷയുടെ ഫലപ്രഖ്യാപനത്തിനായി ആകാംക്ഷയോടെ കാത്തിരിക്കുകയാണ് വിദ്യാർഥികൾ. ഇത്തവണ ഏകദേശം 4 ലക്ഷത്തോളം വിദ്യാർഥികളാണ് ഡിഎച്ച്എസ്ഇ കേരള പ്ലസ് വൺ പരീക്ഷയ്ക്ക് അപേക്ഷിച്ചിരുന്നത്. തിയറി പരീക്ഷയ്ക്ക് 80 മാർക്കും, ഇന്റേണൽ അസസ്‌മെന്റ്/പ്രാക്ടിക്കൽ പരീക്ഷയ്ക്ക് 20 മാർക്കും ഉൾപ്പെടെയാണ് ആകെ മൂല്യനിർണയം നടത്തുന്നത്.
കഴിഞ്ഞ വർഷം ജൂൺ രണ്ടിന് പ്ലസ് വൺ ഫലം പ്രസിദ്ധീകരിച്ചിരുന്നു. 2025 മാർച്ച് ആറ് മുതൽ മാർച്ച് 29 വരെയായിരുന്നു അന്ന് പരീക്ഷ സമയക്രമം. റെഗുലർ വിദ്യാർഥികളിൽ 62.28 ശതമാനം പേർ വിജയിച്ചു.
SUMMARY: Plus One exam results today; know through these websites
