ബെംഗളൂരു: നീറ്റ് യു.ജി യോഗ്യത നേടിയവർ പുതുതായി ബിരുദ കോമൺ എൻട്രൻസ് ടെസ്റ്റ് (യു.ജി.സി.ഇ.ടി) അപേക്ഷ സമർപ്പിക്കാനുള്ള അവസാന തീയതി ജൂലൈ 30 വരെ നീട്ടി. യോഗ്യത നേടിയ ഉദ്യോഗാർത്ഥികൾക്ക് 2026-27 അക്കാദമിക് സെഷനിലേക്കുള്ള പ്രവേശനത്തിന് അപേക്ഷിക്കാനുള്ള സമയപരിധിയാണ് കർണാടക പരീക്ഷാ അതോറിറ്റി (കെ.ഇ.എ) നീട്ടിയത്
നേരത്തെ ജൂലൈ 24 ആയിരുന്നു യുജിസിഇടി അപേക്ഷകൾ സമർപ്പിക്കേണ്ട അവസാന തീയതി. കൂടുതൽ സമയം ആവശ്യപ്പെട്ട് വിദ്യാർഥികളുടെയും രക്ഷിതാക്കളുടെയും പൊതുജനങ്ങളുടെയും അഭ്യർത്ഥനകളെത്തുടർന്ന് സമയപരിധി നീട്ടിയതായി കെ.ഇ.എ അറിയിച്ചു.നീറ്റ് പരീക്ഷാഫല വിവരങ്ങൾ ഇതുവരെ കെഇഎക്ക് ലഭിച്ചിട്ടില്ല. ഡാറ്റ ലഭ്യമായിക്കഴിഞ്ഞാൽ ഉദ്യോഗാർത്ഥികൾക്ക് അവരുടെ നീറ്റ് റോൾ നമ്പറുകൾ നൽകാൻ അനുവാദമുണ്ടാകും. അതുവരെ ഉദ്യോഗാർത്ഥികളോ രക്ഷിതാക്കളോ വിഷമിക്കേണ്ടതില്ല. നീറ്റ് റോൾ നമ്പറുകൾ ലിങ്ക് ചെയ്ത ശേഷം ഡോക്യുമെന്റ് വെരിഫിക്കേഷൻ നടത്തുമെന്ന് കെ.ഇ.എ എക്സിക്യൂട്ടീവ് ഡയറക്ടർ എച്ച്. പ്രസന്ന പറഞ്ഞു.
SUMMARY: Karnataka UGCET; Application date extended till July 30
