ബെംഗളൂരു: ഓണാവധിയോടനുബന്ധിച്ചുള്ള യാത്രാതിരക്ക് പരിഗണിച്ച് ഹുബ്ബള്ളിയില്‍ നിന്ന് ബെംഗളൂരു വഴി കോട്ടയത്തേക്ക് രണ്ടു സ്പെഷ്യല്‍ ട്രെയിന്‍ അനുവദിച്ച് ദക്ഷിണ-പശ്ചിമ റെയില്‍വേ. ഇരുവശങ്ങളിലേക്കുമായി നാല് സര്‍വീസുകളാണ് നടത്തുക. ബെംഗളൂരുവില്‍ എസ്എംവിടി, കൃഷ്ണരാജപുരം എന്നിവിടങ്ങളില്‍ സ്റ്റോപ്പ് അനുവദിച്ചിട്ടുണ്ട്. ടിക്കറ്റ് റിസര്‍വേഷന്‍ ഉടന്‍ ആരംഭിക്കും.
▪️ എസ്എസ്എസ് ഹുബ്ബള്ളി – കോട്ടയം ട്രെയിൻ നമ്പർ 07351: ഓഗസ്റ്റ് 25-ന് വൈകിട്ട് 6:30 ന് എസ്എസ്എസ് ഹുബ്ബള്ളിയിൽ നിന്ന് പുറപ്പെട്ട് പിറ്റെദിവസം വൈകുന്നേരം 4:40 ന് കോട്ടയത്ത് എത്തും.
▪️ കോട്ടയം – എസ്എസ്എസ് ഹുബ്ബള്ളി എക്സ്പ്രസ് ട്രെയിൻ നമ്പർ 07352: 26ന് രാത്രി 10:30 ന് കോട്ടയത്ത് നിന്ന് പുറപ്പെട്ട് പിറ്റെ ദിവസം രാത്രി 8:00 ന് എസ്എസ്എസ് ഹുബ്ബള്ളിയിൽ എത്തിച്ചേരും
▪️ എസ്എസ്എസ് ഹുബ്ബള്ളി – കോട്ടയം ട്രെയിൻ നമ്പർ 07353: 29ന് വൈകിട്ട് 3.15 ന് എസ്എസ്എസ് ഹുബ്ബള്ളിയിൽ നിന്ന് പുറപ്പെട്ട് പിറ്റേ ദിവസം 4.15 ന് കോട്ടയത്തെത്തും.
▪️ കോട്ടയം-എസ്എസ്എസ് ഹുബ്ബള്ളി എക്സ്പ്രസ് ട്രെയിൻ നമ്പർ 07354: 30 ന് രാത്രി 10.30 ന് മണിക്ക് കോട്ടയത്ത് നിന്ന് പുറപ്പെട്ട് പിറ്റെദിവസം രാത്രി 8.05 ന് എസ്എസ്എസ് ഹുബ്ബള്ളിയിൽ എത്തിച്ചേരും.
എസ്എംഎം ഹവേരി, ദാവണഗരെ, ബീരൂർ, അർസികെരെ, തുമകുരു, എസ്എംവിടി ബെംഗളൂരു, കൃഷ്ണരാജപുരം, ബംഗാരപേട്ട്, സേലം, ഈറോഡ്, തിരുപ്പൂർ, പോഡനൂർ, പാലക്കാട്, തൃശൂർ, ആലുവ, എറണാകുളം എന്നിവിടങ്ങളില്‍ ഇരുവശത്തേക്കും സ്റ്റോപ്പുകള്‍ അനുവദിച്ചിട്ടുണ്ട്.
01 എസി ടു-ടയർ കോച്ച്, 02 എസി ത്രീ-ടയർ കോച്ചുകൾ, 09 സ്ലീപ്പർ കോച്ചുകൾ, 06 ജനറൽ സെക്കൻഡ് ക്ലാസ് കോച്ചുകൾ, ദിവ്യാംഗർ സൗഹൃദ കമ്പാർട്ടുമെന്റുള്ള 02 സെക്കൻഡ് ക്ലാസ് ലഗേജ്-കം-ബ്രേക്ക് വാനുകൾ എന്നിവ ഉൾപ്പെടെ 20 കോച്ചുകളാണ് ഉള്ളത്.
SUMMARAY : Special train from Hubballi to Kottayam via Bengaluru
