തിരുവനന്തപുരം: സംസ്ഥാനത്ത് തുടരുന്ന കനത്ത മഴയുടെയും പ്രളയസാഹചര്യത്തിന്റെയും പശ്ചാത്തലത്തില് സ്ഥിതിഗതികള് വിലയിരുത്തി ഭരണകൂടം. പ്രത്യേകിച്ചും ഇടുക്കി, പത്തനംതിട്ട, കോട്ടയം ജില്ലകളില് ഏത് അടിയന്തര സാഹചര്യവും നേരിടാൻ സജ്ജരായിരിക്കാൻ കളക്ടർമാരോട് മുഖ്യമന്ത്രി നിർദ്ദേശിച്ചിട്ടുണ്ട്.
മഴക്കെടുതി രൂക്ഷമായ ജില്ലകളില് പ്രതിരോധ പ്രവർത്തനങ്ങള്ക്ക് നേതൃത്വം നല്കുന്നതിനായി മന്ത്രിമാർക്ക് പ്രത്യേക ചുമതലകള് നല്കി. തിരുവനന്തപുരത്ത് സി. പി. ജോണ്, പത്തനംതിട്ടയില് പി. സി. വിഷ്ണുനാഥ്, കോട്ടയത്ത് മോൻസ് ജോസഫ്, ഇടുക്കിയില് അനൂപ് ജേക്കബ് എന്നിവർ ക്യാമ്പ് ചെയ്ത് ദുരിതാശ്വാസ പ്രവർത്തനങ്ങള് ഏകോപിപ്പിക്കും. സംസ്ഥാനതല ഏകോപനം റവന്യൂ മന്ത്രി നിർവ്വഹിക്കും.
ശക്തമായ മഴയുടേയും മണ്ണിടിച്ചിലിന്റേയും ഉരുള്പൊട്ടലിന്റേയും സാഹചര്യത്തില് റവന്യൂ മന്ത്രിയുമായും ചീഫ് സെക്രട്ടറിയുമായും ജില്ലാ കളക്ടറുമായും ഫോണില് ബന്ധപ്പെട്ടെന്നും 11 മണിക്ക് റവന്യൂ മന്ത്രി ജില്ലാകലക്ടര്മാരുടെ യോഗം വിളിച്ചിട്ടുണ്ടെന്നും മുഖ്യമന്ത്രി വ്യക്തമാക്കി.അപകട സാധ്യതയുള്ള സ്ഥലങ്ങളില് നിന്നും ആളുകളെ മാറ്റിത്താമസിപ്പിക്കാന് നിര്ദേശം നല്കിയിട്ടുണ്ടെന്നും മുഖ്യമന്ത്രി പറഞ്ഞു.
SUMMARY: “Ministers must camp in the districts to coordinate operations and be prepared to handle any emergency situation”: Chief Minister
