ബെംഗളൂരു: ഓണാവധിയോടനുബന്ധിച്ചുള്ള യാത്രാതിരക്ക് പരിഗണിച്ച് ബെംഗളൂരുവിൽ നിന്ന് കേരളത്തിലേക്ക് 90 സ്പെഷ്യല് സർവീസുകൾ പ്രഖ്യാപിച്ച് കർണാടക ആർ. ടി.സി. കേരളത്തിന്റെ വിവിധ ഭാഗങ്ങളിലേക്ക് ഓഗസ്റ്റ് 21 മുതൽ 25 വരെയാണ് സർവീസുകൾ നടത്തുക. കോഴിക്കോട്, കണ്ണൂർ, എറണാകുളം, പാലക്കാട്, തൃശ്ശൂർ, കോട്ടയം, തിരുവനന്തപുരം എന്നിവിടങ്ങളിലേക്കാണ് സർവീസുകൾ. ഓണം കഴിഞ്ഞ് മടങ്ങുന്നവർക്കായി കേരളത്തില് നിന്ന് ഓഗസ്റ്റ് 30-നും സർവീസ് നടത്തും.
കർണാടക ആർ.ടി.സി. യുടെ പ്രീമിയം ബസുകളായ രാജഹംസ, ഐരാവത്, അംബാരി, പല്ലക്കി, എ.സി. ബസുകളും സ്പെഷ്യല് സര്വീസില് ഉള്പ്പെടുന്നു. പ്രീമിയം സർവീസുകളെല്ലാം ശാന്തിനഗർ ബസ് സ്റ്റേഷനിൽനിന്നാകും പുറപ്പെടു കയെന്ന് കർണാടക ആർ.ടി. സി. അധികൃതർ അറിയിച്ചു.
കെ.എസ്.ആർ.ടി.സിയുടെ ഓൺലൈൻ റിസർവേഷൻ സംവിധാനത്തിലൂടെയും ബുക്കിംഗ് കൗണ്ടറുകളിലൂടെയും യാത്രക്കാർക്ക് സ്പെഷ്യല് സർവീസുകൾക്കുള്ള ടിക്കറ്റുകൾ മുൻകൂട്ടി ബുക്ക് ചെയ്യാം. നാലോ അതിലധികമോ ടിക്കറ്റുകൾ ഒന്നിച്ച് ബുക്കുചെയ്താൽ ടിക്കറ്റ് നിരക്കില് അഞ്ചുശതമാനം ഇളവ് ലഭിക്കും.ഇതോടൊപ്പം മടക്കയാത്രയ്ക്കുള്ള ടിക്കറ്റുകളുംകൂടി ബുക്കു ചെയ്താൽ തുകയുടെ 10 ശതമാനം കൂടി ഇളവുലഭിക്കുമെന്നും അധികൃതര് അറിയിച്ചു.
SUMMARY :Onam rush; Karnataka RTC with 90 special services to Kerala.
