ബെംഗളൂരു: ബെംഗളൂരു മലയാളി റൈറ്റേഴ്സ് ആന്റ് ആർട്ടിസ്റ്റ്സ് ഫോറം പുറത്തിറക്കിയ വൈഖരി സാഹിത്യസമാഹാരത്തിന്റെ ആദ്യഭാഗത്തിലെ രചനകളെ ആസ്പദമാക്കിയുള്ള ചർച്ച ഞായറാഴ്ച്ച വൈകിട്ട് 3 മണി മുതൽ ജീവൻഭീമ നഗറിലെ കാരുണ്യ ഹാളിൽവച്ചു നടക്കും.
നോർക്ക ബെംഗളൂരു ഡവലപ്മെന്റ് ഓഫീസർ ജയപ്രകാശ് എം. കെ. ഉദ്ഘാടനം ചെയ്യും. കഥകളും കവിതകളും ലേഖനങ്ങളും അടങ്ങിയ സാഹിത്യസൃഷ്ടികളെ രചയിതാക്കളുടെ സാന്നിധ്യത്തിൽ സുധാകരൻ രാമന്തളി, കെ. ആർ. കിഷോർ, വിഷ്ണുമംഗലം കുമാർ, രമ പ്രസന്ന പിഷാരടി, ഉമേഷ് രാമൻ, കല. ജി. കെ, സുദേവൻ പുത്തൻചിറ, ബിന്ദു സജീവ്, ബിന്ദു പി മേനോൻ തുടങ്ങിയ ബെംഗളൂരുവിലെ സാംസ്കാരിക പ്രവർത്തകൾ സംസാരിക്കും.
ഇരുപത്തിയെട്ടുവർഷം പിന്നിട്ട റൈറ്റേഴ്സ് ഫോറം പുറത്തിറക്കിയ പ്രഥമ സാഹിത്യസമാഹാരമായ വൈഖരിയുടെ ആദ്യപകുതിയിലെ 22 രചനകളാണ് തിരഞ്ഞെടുത്തിട്ടുള്ളത്. അവശേഷിക്കുന്ന 22 രചനകൾ അടുത്ത പരിപാടിയിൽ ചർച്ച ചെയ്യുമെന്ന് റൈറ്റേഴ്സ് ഫോറം പ്രസിഡന്റ് സതീഷ് തോട്ടശ്ശേരി അറിയിച്ചു.
സാമൂഹ്യ- സാംസ്കാരിക രംഗത്തെ പ്രമുഖർ ചർച്ചയുടെ ഭാഗമാകും. എഴുത്തുകാർ തങ്ങളുടെ രചനാനുഭവങ്ങൾ പങ്കുവെക്കും. കൂടുതൽ വിവരങ്ങൾക്ക് 99453 04862 എന്ന നമ്പറിൽ ബന്ധപ്പെടണമെന്ന് സെക്രട്ടറി ശാന്തകുമാർ എലപ്പുള്ളി അറിയിച്ചു.
SUMMARY: Writers Forum Literary Discussion Today
