ന്യൂഡല്ഹി: രാജ്യത്തിന്റെ എണ്പതാമത് സ്വാതന്ത്ര്യദിനാഘോഷത്തിന്റെ നിറവില് ചെങ്കോട്ടയില് ആഘോഷം. രാജ്ഘട്ടില് പുഷ്പാര്ച്ചന നടത്തിയ ശേഷം പ്രധാനമന്ത്രി നരേന്ദ്ര മോദി ചെങ്കോട്ടയില് എത്തി. വിവിധ മേഖലകളില് നിന്നുള്ള അയ്യായിരത്തിലധികം അതിഥികള് പങ്കെടുക്കുന്ന ചടങ്ങിലാണ് ആഘോഷം നടക്കുന്നത്. ചെങ്കോട്ടയില് പ്രധാനമന്ത്രി നരേന്ദ്രമോദി ദേശീയ പതാക ഉയര്ത്തും. തുടര്ന്ന് പ്രധാനമന്ത്രി രാജ്യത്തെ അഭിസംബോധന ചെയ്യും.
Addressing the nation on Independence Day.https://t.co/Q67F6cB96x
— Narendra Modi (@narendramodi) August 15, 2026
കൊളോണിയൽ ഭരണത്തിനെതിരെ പോരാടിയ ധീരരായ സ്വാതന്ത്ര്യ സമര സേനാനികളുടെ ത്യാഗങ്ങളെയും രാജ്യത്തിന് നൽകിയ സംഭാവനകളെയും പ്രധാനമന്ത്രി അനുസ്മരിച്ചു. ‘വികസിത ഭാരതം’ കെട്ടിപ്പടുക്കാനുള്ള രാജ്യത്തിന്റെ പ്രയാണത്തിൽ ഈ സ്വാതന്ത്ര്യ സമര സേനാനികളുടെ സ്വപ്നങ്ങൾ എന്നും പ്രചോദനമാകുമെന്ന് അദ്ദേഹം വ്യക്തമാക്കി.
ദേശീയഗീതത്തിന്റെ 150 വര്ഷം ആഘോഷിക്കുന്നതിന്റെ ഭാഗമായി ഈ വര്ഷത്തെ ചടങ്ങുകളില് ആദ്യമായി വന്ദേമാതരം ആലപിക്കും. വികസിത ഭാരതം 2047 എന്ന ലക്ഷ്യത്തിലേക്ക് ഇന്ത്യയുടെ പ്രയാണത്തിന് കരുത്തേകുന്ന യുവശക്തിയുടെ ഊര്ജ്ജവും സംഭാവനകളും ആഘോഷിക്കുന്നതിനുമാണ് ഇത്തവണത്തെ പ്രധാന ചടങ്ങ് ലക്ഷ്യമിടുന്നതെന്ന് കേന്ദ്ര സര്ക്കാര് വൃത്തങ്ങള് അറിയിച്ചു.
SUMMARY:The country is in full swing on the occasion of 80th Independence Day; Prime Minister Narendra Modi pays tribute to Gandhiji at Rajghat
