തിരുവനന്തപുരം: കോവളത്ത് മത്സ്യബന്ധന ബോട്ടിന് തീപിടിച്ചു. കൊല്ലം സ്വദേശിയുടെ ഉടമസ്ഥതയിലുള്ള സെന്റ് ആന്റണി എന്ന ബോട്ടാണ് കത്തിനശിച്ചത്. ബോട്ടിൽ ഉണ്ടായിരുന്ന തൊഴിലാളികളെ കോസ്റ്റൽ പോലീസ് രക്ഷപ്പെടുത്തി. ഇമ്മാനുവേൽ, നേപ്പാൾ സ്വദേശി ലളിത് പ്രസാദ് എന്നിവരെയയാണ് കോസ്റ്റൽ പോലീസ് രക്ഷപ്പെടുത്തിയത്. ഇവരെ ആശുപത്രിയിലേക്ക് മാറ്റി. ബോട്ട് പൂർണമായും കത്തിനശിച്ചു.
ഇന്ന് പുലർച്ചെ മൂന്ന് മണിക്കാണ് കോസ്റ്റൽ പോലീസിന് ബോട്ട് കത്തുന്നുവെന്ന വിവരം ലഭിക്കുന്നത്. പിന്നാലെ കോസ്റ്റൽ പോലീസ് സ്ഥലത്തെത്തി രണ്ട് മത്സ്യത്തൊഴിലാളികളെ രക്ഷപ്പെടുത്തി. എൻജിനിൽ നിന്ന് തീ പടർന്നുവെന്നാണ് തൊഴിലാളികൾ പറഞ്ഞത്. സംഭവത്തിൽ കൂടുതൽ അന്വേഷണം ആരംഭിച്ചു.
SUMMARY: Fire breaks out on fishing boat off Kovalam coast; workers rescued.
