സ്വര്‍ണവിലയിൽ ഇടിവ്

തിരുവനന്തപുരം: കേരളത്തിൽ സ്വര്‍ണവിലയിലെ ചാഞ്ചാട്ടം തുടരുന്നു. ഓരോ ദിവസവും കൂടുകയും കുറയുകയുമെന്ന ട്രെന്റിലാണ് സ്വര്‍ണം മുന്നോട്ടു പോകുന്നത്. ഇന്ന് ഗ്രാമിന് 140 രൂപ കുറഞ്ഞ് 13,995 രൂപയിലാണ് ഇന്ന് രാവിലെ വിപണി ആരംഭിച്ചത്. പവനാകട്ടെ 1,120 രൂപ കുറഞ്ഞ് 1,11,960 രൂപയിലേക്കും താഴ്ന്നു. കഴിഞ്ഞ ദിവസങ്ങളില്‍ വിപണിയില്‍ വലിയ രീതിയിലുള്ള ഏറ്റക്കുറച്ചിലുകളാണ് ഉണ്ടായിട്ടുള്ളത്.

ചൊവ്വാഴ്ച രാവിലെ കൂടിയും ഉച്ചയ്ക്ക് ശേഷം കുറഞ്ഞും നിന്നിരുന്ന സ്വർണവില, ബുധനാഴ്ച വീണ്ടും വർധനവിന്റെ പാതയിലേക്ക് തിരിഞ്ഞിരുന്നു. സ്വർണത്തിന് പിന്നാലെ വെള്ളിവിലയിലും ഇന്ന് കുറവ് രേഖപ്പെടുത്തിയിട്ടുണ്ട്. ഒരു ഗ്രാം വെള്ളിയുടെ ഇന്നത്തെ നിരക്ക് 245 രൂപയായി കുറഞ്ഞു. രാജ്യാന്തര വിപണിയിലെ ചലനങ്ങള്‍ക്ക് അനുസരിച്ചാണ് രാജ്യത്ത് സ്വർണവില നിശ്ചയിക്കപ്പെടുന്നത്.

SUMMARY: Gold rate is decreased