ന്യൂഡൽഹി: ഡൽഹിയിൽ കേന്ദ്ര തിരഞ്ഞെടുപ്പ് കമ്മിഷൻ ആസ്ഥാനത്തേക്ക് ഡി.വൈ.എഫ്.ഐ.,എസ്.എഫ്.ഐ. സംഘടനകൾ സംഘടിപ്പിച്ച പ്രക്ഷോഭ മാർച്ചിൽ സംഘർഷം. പ്രതിഷേധത്തിൽ പങ്കെടുത്ത എ.എ. റഹീം എം.പി.യെ പോലീസ് ബലം പ്രയോഗിച്ച് വലിച്ചിഴയ്ക്കുകയും കസ്റ്റഡിയിലെടുക്കുകയും ചെയ്തു. എസ്.എഫ്.ഐ., ഡി.വൈ.എഫ്.ഐ. അഖിലേന്ത്യാ നേതാക്കൾ ഉൾപ്പെടെയുള്ള വിദ്യാർഥികളേയും യുവജനങ്ങളേയും പ്രവർത്തകരേയും പോലീസ് കസ്റ്റഡിയിലെടുത്തിട്ടുണ്ട്.
പട്ടേൽ ചൗക്ക് മെട്രോ സ്റ്റേഷൻ പരിസരത്തുനിന്ന് ആരംഭിച്ച് തെരഞ്ഞെടുപ്പ് കമ്മിഷൻ ആസ്ഥാനത്തേക്ക് നീങ്ങിയ മാർച്ചിന് നേരെയാണ് പോലിസിന്റെ നടപടിയുണ്ടായത്. പ്രതിഷേധത്തിനിടെ റഹീമിനെ പോലിസ് ബലം പ്രയോഗിച്ച് വലിച്ചിഴച്ചാണ് കസ്റ്റഡിയിലെടുത്തത്.
മുഖ്യ തിരഞ്ഞെടുപ്പ് കമ്മീഷണർ ഗ്യാനേഷ് കുമാറിന്റെ രാജിയാവശ്യപ്പെട്ട് തിരഞ്ഞെടുപ്പ് കമ്മിഷൻ ഓഫീസിലേക്ക് ഡൽഹിയിലെ പട്ടേൽ ചൗക്ക് മെട്രോ സ്റ്റേഷൻ പരിസരത്തുനിന്നാണ് പ്രതിഷേധക്കാർ മാർച്ച് നടത്തിയത്. തിരഞ്ഞെടുപ്പ് കമ്മീഷണർ ഗ്യാനേഷ് കുമാറിനും കമ്മിഷന്റെ നടപടികൾക്കുമെതിരേയും ജനാധിപത്യ സംരക്ഷണം ആവശ്യപ്പെട്ടുമായിരുന്നു സമരം.
SUMMARY: DYFI-SFI March clash in Delhi, leaders in custody
