ന്യൂഡല്ഹി: മുഖ്യതിരഞ്ഞെടുപ്പ് കമ്മീഷണർ ഗ്യാനേഷ് കുമാറിന്റെ രാജി ആവശ്യപ്പെട്ടുള്ള പ്രതിഷേധം അതിശക്തം. ഇന്ന് മുതൽ ഇടതുപക്ഷ പാർട്ടികളുടെ രാജ്യവ്യാപക പ്രക്ഷോഭത്തിനും പ്രചാരണത്തിനും തുടക്കമാകും. ഒക്ടോബർ 2 വരെ ഒരാഴ്ച നീണ്ടുനിൽക്കുന്ന രാജ്യവ്യാപക പ്രക്ഷോഭത്തിനാണ് ഇടതുപക്ഷ പാർട്ടികൾ ആഹ്വാനം ചെയ്തിട്ടുള്ളത്. മറ്റന്നാൾ ഇടതുപക്ഷ പാർട്ടികൾ സംയുക്തമായി ഡല്ഹിയിൽ പ്രതിഷേധം നടത്തും. പ്രതിഷേധങ്ങൾ ശക്തമായ സാഹചര്യത്തിൽ കേന്ദ്ര തെരഞ്ഞെടുപ്പ് കമ്മീഷൻ ആസ്ഥാനത്തിന് മുന്നിൽ സുരക്ഷാ ക്രമീകരണവും അതിശക്തമാക്കിയിട്ടുണ്ട്.
അതേസമയം ഗ്യാനേഷ് കുമാറിനെതിരെ കൂടുതല് ഹര്ജികള് സുപ്രീം കോടതിയിലെത്താനിടയുണ്ട്. വിവാദങ്ങള്ക്കിടെ ഡല്ഹിയില് ജെന്സികള്ക്കായി പ്രത്യേക എന്റോള്മെന്റ് ക്യാമ്പ് സംഘടിപ്പിക്കാന് തെരഞ്ഞെടുപ്പ് കമ്മീഷന് തീരുമാനിച്ചു. വോട്ടര്പട്ടികയില് പേര് ചേര്ക്കാന് സര്വകലാശാലകളിലും കോളേജുകളിലും മറ്റ് വിദ്യാഭ്യാസ സ്ഥാപനങ്ങളിലും ക്യാംപ് സംഘടിപ്പിക്കും.
ഈ മാസം 29, 30 തീയതികളില് രേഖകളുമായെത്തിയാല് പേര് ചേര്ക്കാന് അവസരമുണ്ടാകും. പ്രമുഖരടക്കം 47.56 ലക്ഷം പേരെ കരട് വോട്ടര്പട്ടികയില് നിന്ന് ഒഴിവാക്കിയത് വിവാദമായതിന് പിന്നാലെയാണ് നടപടി.
SUMMARY: Resignation of Chief Election Commissioner Gyanesh Kumar; Left parties will start protest from today.
