കൊച്ചി: കേരള ഹൈക്കോടതിയില്‍ ഗവേഷകരാകാൻ നിയമ ബിരുദധാരികള്‍ക്ക് മികച്ച അവസരം. റിസർച്ച്‌ അസിസ്റ്റന്റ് തസ്തികയിലെ 48 ഒഴിവുകളിലേക്കാണ് അപേക്ഷ ക്ഷണിച്ചിരിക്കുന്നത്. ഒഴിവുകളുടെ എണ്ണം ഇനിയും വർദ്ധിക്കാൻ സാധ്യതയുണ്ട്. തെരഞ്ഞെടുക്കപ്പെടുന്നവർക്ക് പ്രതിമാസം 35,000 രൂപ ശമ്പളമായി ലഭിക്കും. നവംബർ 30 ആണ് അപേക്ഷ സമർപ്പിക്കാനുള്ള തീയതി. നിയമ ബിരുദം പൂർത്തിയാക്കിയവർക്ക് പുറമെ നിയമപഠനത്തിലെ അവസാന വർഷ/സെമസ്റ്റർ വിദ്യാർത്ഥികള്‍ക്കും അപേക്ഷിക്കാവുന്നതാണ്.
ഒരു വർഷത്തേക്കാണ് പ്രാഥമിക നിയമന കാലാവധിയെങ്കിലും ഉദ്യോഗാർത്ഥികളുടെ മികച്ച പ്രകടനത്തിന്റെ അടിസ്ഥാനത്തില്‍ കാലാവധി രണ്ടാം വർഷത്തേക്ക് കൂടി ദീർഘിപ്പിച്ചു നല്‍കാൻ സാധ്യതയുണ്ട്. അവസാന വർഷ വിദ്യാർത്ഥികള്‍ക്കും അപേക്ഷിക്കാമെങ്കിലും അഭിമുഖത്തിന് മുൻപായി യോഗ്യതാ സർട്ടിഫിക്കറ്റുകളും എല്ലാ മാർക്ക് ലിസ്റ്റുകളും ഹാജരാക്കേണ്ടതുണ്ട്. ഓഫ്ലൈൻ വഴിയുള്ള ഫീസ് അടയ്ക്കല്‍ നടപടികള്‍ നടപ്പ് മാസം 4 മുതല്‍ 11 വരെയുള്ള തീയതികളില്‍ പൂർത്തിയാക്കേണ്ടതുണ്ട്.
എഴുത്തുപരീക്ഷ, കമ്പ്യൂട്ടർ അധിഷ്ഠിത പരീക്ഷ, അഭിമുഖം എന്നിവയുടെ അടിസ്ഥാനത്തിലാണ് തെരഞ്ഞെടുപ്പ് പ്രക്രിയ നടക്കുന്നത്. 1,000 രൂപയാണ് അപേക്ഷാ ഫീസ്. പട്ടികജാതി/പട്ടികവർഗ്ഗ വിഭാഗക്കാർക്കും ജോലിയില്ലാത്ത ഭിന്നശേഷിക്കാർക്കും ഫീസ് ഇളവുണ്ട്. 1994 ഡിസംബർ 1-നും 2004 നവംബർ 30-നും ഇടയില്‍ ജനിച്ചവർക്കാണ് തസ്തികയിലേക്ക് അപേക്ഷിക്കാൻ അർഹതയുള്ളത്.
SUMMARY: Research Assistant vacancies at the Kerala High Court; applications invited
