ബെംഗളൂരു: ബെംഗളൂരുവിൽ ഔദ്യോഗികമായി ക്യാബ് സേവനങ്ങൾ ആരംഭിച്ച് നമ്മ യാത്രി. 25,000 ക്യാബ് ഡ്രൈവർമാരുമായാണ് നഗരത്തിൽ സേവനം ആരംഭിച്ചിരിക്കുന്നത്. ആപ്പ് ഇതിനകം കൊൽക്കത്തയിലും കൊച്ചിയിലും ക്യാബ് സേവനങ്ങൾ നൽകുന്നുണ്ട്. ചെന്നൈയിൽ സോഫ്റ്റ്-ലോഞ്ച് ക്യാബ് സേവനങ്ങളുമുണ്ട്. ഉടൻ തന്നെ മുംബൈയിലും സേവനം ലോഞ്ച് ചെയ്യുമെന്ന് ആപ്പ് അധികൃതർ പറഞ്ഞു.
ആദ്യദിനം മാത്രം ബെംഗളൂരുവിൽ നാലായിരം മുതൽ അയ്യായിരം വരെ യാത്രകൾ രേഖപ്പെടുത്തി. ഓപ്പൺ നെറ്റ്വർക്ക് ഫോർ ഡിജിറ്റൽ കൊമേഴ്സ് നെറ്റ്വർക്കിൽ വികസിപ്പിച്ച നമ്മ യാത്രി ആപ്പ് ഡ്രൈവർമാരുടെ വരുമാനം വർദ്ധിപ്പിക്കുന്നതിനും വാഹന പരിപാലനം മെച്ചപ്പെടുത്തുന്നതിനും സീറോ-കമ്മീഷനും ഡയറക്ട്-ടു-ഡ്രൈവർ മോഡൽ സേവനങ്ങളും വാഗ്ദാനം ചെയ്യാനും പ്രതിജ്ഞാബദ്ധമാണ്. കൂടാതെ, കർണാടക സർക്കാർ നിശ്ചയിച്ചിട്ടുള്ള ഏറ്റവും പുതിയ യാത്ര നിരക്ക് നടപ്പാക്കുന്ന ആദ്യത്തെ ആപ്പ് കൂടിയാണ് നമ്മ യാത്രി.
നിലവിൽ നോൺ എസി മിനി, എസി മിനി, സെഡാൻ, എക്സ് എൽ ക്യാബ് സേവനങ്ങൾ ആപ്പിലുണ്ട്. സംസ്ഥാനത്തുടനീളമുള്ള ഇൻ്റർ-സിറ്റി, റെൻ്റലുകൾ, ഷെഡ്യൂൾഡ് റൈഡുകൾ എന്നിവ ആപ്പ് ഉടൻ അവതരിപ്പിക്കും. ഭിന്നശേഷി സൗഹൃദ സവാരികൾ, അധിക ലഗേജ്, വളർത്തുമൃഗങ്ങൾക്കൊപ്പം യാത്ര തുടങ്ങിയവയും ഉടൻ പുറത്തിറക്കും.
എസി മിനി ക്യാബിനു 4 കിലോമീറ്റർ വരെ 100 രൂപയാണ് നിരക്ക്. മിനിമം നിരക്കിന് മുകളിലുള്ള ഓരോ കിലോമീറ്ററിന് 18 രൂപയും, സെഡാന് 4 കിലോമീറ്റർ വരെ 115 രൂപയും, മിനിമം നിരക്കിന് മുകളിലുള്ള ഓരോ കിലോമീറ്ററിന് 21 രൂപയും, എക്സ് എൽ ക്യാബുകൾക്ക് 130 രൂപയും നിശ്ചയിച്ചിട്ടുണ്ട്.
The post നഗരത്തിൽ ക്യാബ് സേവനങ്ങൾ ആരംഭിച്ച് നമ്മ യാത്രി appeared first on News Bengaluru.
Powered by WPeMatico
