ബെംഗളൂരു: നമ്മ മെട്രോയുടെ ഡ്രൈവറില്ലാ ട്രെയിൻ സർവീസ് സിഗ്നൽ പരിശോധന ജൂൺ ഏഴിന് നടത്തും. ഇതിനകം തന്നെ ഡ്രൈവറില്ലാതെ ഓടുന്ന ട്രെയിനിന്റെ പ്രോട്ടോടൈപ്പ് ബെംഗളൂരുവിൽ എത്തിയിട്ടുണ്ട്. നമ്മ മെട്രോയുടെ യെല്ലോ ലൈനിലാണ് ഇത്തരം മെട്രോ ട്രെയിനുകൾ സർവീസ് നടത്തുക.
ഡിസംബർ മാസത്തിൽ തന്നെ യെല്ലോ ലൈനിൽ മെട്രോ സർവീസ് തുടങ്ങും. തുടക്കത്തിൽ യെല്ലോ ലൈനിൽ ഓരോ 20 മിനിറ്റ് ഇടവിട്ടാണ് ട്രെയിൻ സർവീസ് നടത്തുക. സാധാരണ മെട്രോയുടെ സിഗ്നൽ സർവീസിൽ നിന്ന് വ്യത്യസ്തമാണ് ഡ്രൈവറില്ലാ മെട്രോകളുടേത്. ഇക്കാരണത്താൽ തന്നെ സിഗ്നൽ സംവിധാനമുള്ള മെട്രോ ലൈനിൽ മറ്റ് മെട്രോ ട്രെയിനുകൾക്ക് സർവീസ് നടത്താൻ കഴിയില്ല.
അതേസമയം നമ്മ മെട്രോയുടെ മൂന്നാംഘട്ട നിർമ്മാണ പ്രവൃത്തികൾക്കുള്ള തയ്യാറെടുപ്പുകൾ തുടങ്ങിയതായി ബിഎംആർസിഎൽ അറിയിച്ചു. ഇതിനായി ഭൂമി സർവ്വേകൾ തുടങ്ങിക്കഴിഞ്ഞു. മൂന്നാം ഘട്ടത്തിൽ ഡബിൾ ഡക്കർ മെട്രോ അടക്കമുള്ള സാധ്യതകൾ ആണ് ബിഎംആർസിഎൽ പദ്ധതിയിടുന്നത്.
TAGS: BENGALURU UPDATES, NAMMA METRO
