ബെംഗളൂരു: പുതിയ മെട്രോ ഫീഡർ ബസ് സർവീസുകളുമായി ബിഎംടിസി. സർവീസുകൾ ജൂലൈ 15 മുതൽ ആരംഭിക്കും. പുതിയ റൂട്ടുകളിൽ നോൺ എസി ബസുകളാണ് സർവീസ് നടത്തുക.
എംഎഫ്-43 റൂട്ട് കോണനകുണ്ടെ ക്രോസിൽ നിന്ന് ഉത്തരഹള്ളി, ഇൻഡോ-അമേരിക്കൻ ഹൈബ്രിഡ് ഫാം ക്രോസ്, കരിയനപാളയ, രഘുവനഹള്ളി ക്രോസ് വഴി കോണനകുണ്ടേ ക്രോസ് വരെ സർവീസ് നടത്തും. പ്രതിദിനം 10 ട്രിപ്പുകൾ റൂട്ടിൽ നടത്തും.
എംഎഫ് -43എ കോണനകുണ്ടേ മുതൽ രഘുവനഹള്ളി ക്രോസ്, കരിയനപാളയ, ഇൻഡോ-അമേരിക്കൻ ഹൈബ്രിഡ് ഫാം ക്രോസ്, ഉത്തരഹള്ളി എന്നിവിടങ്ങളിൽ നിന്ന് കോണനകുണ്ടേ ക്രോസ് വരെ സർവീസ് നടത്തും. ദിവസവും 10 ട്രിപ്പുകൾ റൂട്ടിൽ നടത്തും.
റൂട്ട് എംഎഫ്-35 കെംഗേരി ടിടിഎംസിയെ ഗോട്ടിഗെരെ നൈസ് റോഡ് ജംഗ്ഷനുമായി ബന്ധിപ്പിക്കും. ശ്രീനിവാസപുര ക്രോസ്, കരിയനപാളയ, കരിഷ്മ ഹിൽസ്, രഘുവനഹള്ളി ക്രോസ്, ആവലഹള്ളി ബിഡിഎ ലേഔട്ട്, അഞ്ജനപുര, ഗോട്ടിഗെരെ നൈസ് റോഡ് ജംഗ്ഷൻ എന്നിവയിലൂടെ സർവീസ് നടത്തും. ഈ റൂട്ടിൽ നാല് ബസുകൾ വീതമാണ് വിന്യസിക്കുക.
TAGS: BENGALURU UPDATES | BMTC
SUMMARY: BMTC introduces new metro feeder routes
