ബെംഗളൂരു: സംസ്ഥാനത്ത് അടുത്ത മൂന്ന് ദിവസത്തേക്ക് കനത്ത മഴയ്ക്ക് സാധ്യതയുള്ളതായി കാലാവസ്ഥ നിരീക്ഷണ കേന്ദ്രം (ഐഎംഡി) അറിയിച്ചു. എട്ട് ജില്ലകളിൽ യെല്ലോ അലർട്ട് പ്രഖ്യാപിച്ചിട്ടുമുണ്ട്. ദക്ഷിണ കന്നഡ, ഉഡുപ്പി, ശിവമൊഗ, ചിക്കമഗളൂരു, ഹാസൻ, കുടക്, മൈസൂരു, ചാമരാജനഗർ ജില്ലകളിൽ ഡിസംബർ രണ്ട്, മൂന്ന് തീയതികളിലാണ് യെല്ലോ അലർട്ട് പുറപ്പെടുവിച്ചതായി ഐഎംഡി ബെംഗളൂരു ഡയറക്ടർ സി.എസ് പാട്ടീൽ പറഞ്ഞു.
Cyclone Fengal and its effect on the city making it an weather for Bengalureans. Cozy weather ️ #Rain pic.twitter.com/btuaqZkpWC
— D.Shivsagar (@SarkarSupremacy) December 1, 2024
ഞായറാഴ്ച വൈകുന്നേരം 5.30 വരെ ബെംഗളൂരുവിൽ 3.8 മില്ലീമീറ്റർ മഴ രേഖപ്പെടുത്തിയിട്ടുണ്ട്. എച്ച്എഎൽ വിമാനത്താവളത്തിൽ 7 മില്ലീമീറ്ററും കെംപെഗൗഡ അന്താരാഷ്ട്ര വിമാനത്താവളത്തിൽ (കെഐഎ) 2.2 മില്ലീമീറ്ററും മഴ രേഖപ്പെടുത്തി,
ബെംഗളൂരു അർബൻ, എച്ച്എഎൽ, കെഐഎ എന്നിവിടങ്ങളിൽ പരമാവധി താപനില യഥാക്രമം 27.4 ഡിഗ്രി, 27.1 ഡിഗ്രി, 26.9 ഡിഗ്രി സെൽഷ്യസ് ആണ്. കുറഞ്ഞ താപനില യഥാക്രമം 19.5, 19.2, 19.7 ഡിഗ്രി സെൽഷ്യസ് ആയിരുന്നു.
TAGS: KARNATAKA | RAIN
SUMMARY: More rain likely in Karnataka, yellow alert in a few districts
