ബെംഗളൂരു: റോട്ടറി ക്ലബ്ബ് ഓഫ് ബെംഗളൂരുവും, ഐടി കോറിഡോറും ചേർന്ന് സംഘടിപ്പിക്കുന്ന 17-ാമത് മിഡ്‌നൈറ്റ് മാരത്തണിന് മുന്നോടിയായി ശനിയാഴ്ച കുന്ദലഹള്ളി റോഡിൽ ഭാഗികമായി ഗതാഗത നിയന്ത്രണം ഏർപ്പെടുത്തിയതായി സിറ്റി പോലീസ് അറിയിച്ചു. കെടിപിഒ റോഡിലും ഇപിഐപി റോഡിലുമാണ് മാരത്തൺ സംഘടിപ്പിക്കുന്നത്.
കുന്ദലഹള്ളി മെട്രോ സ്‌റ്റേഷനു സമീപമുള്ള ജിഞ്ചർ ഹോട്ടൽ ജംഗ്ഷനും ഐടിപിഎൽ ബാക്ക് ഗേറ്റിനും ഇടയിലുള്ള ഭാഗത്തെ ഗതാഗത നിയന്ത്രണം ഇന്ന് ഉച്ചകഴിഞ്ഞ് 3 മുതൽ ഞായറാഴ്ച പുലർച്ചെ അഞ്ച് വരെ ബാധകമായിരിക്കും. ഗ്രാഫൈറ്റ് ഇന്ത്യ ജംഗ്ഷനിൽ നിന്ന് ഐടിപിഎല്ലിലേക്ക് പോകുന്ന വാഹനങ്ങൾക്ക് ജിഞ്ചർ ഹോട്ടലിൽ നിന്ന് വലത്തേക്ക് തിരിഞ്ഞ് ഐടിപിഎൽ ബാക്ക് ഗേറ്റിലേക്ക് പോയി ബിഗ് ബസാർ ജംഗ്ഷനിൽ നിന്ന് ഹൂഡി വഴി കടന്നുപോകണം.
ഹോപ്പ് ഫാമിലേക്ക് പോകുന്ന വാഹനങ്ങൾക്ക് ശാന്തിനികേതനിൽ നിന്ന് വലത്തേക്ക് തിരിഞ്ഞ് പോകണം. കുന്ദലഹള്ളിയിൽ നിന്ന് വൈദേഹിയിലേക്ക് പോകുന്ന ബിഎംടിസി ബസുകളും ചരക്ക് വാഹനങ്ങളും ഗ്രാഫൈറ്റ് ഇന്ത്യ ജംഗ്ഷനിൽ നിന്ന് മുന്നോട്ട് പോയി സുമദുര നന്ദന അപ്പാർട്ട്‌മെൻ്റിൽ നിന്ന് ഇടത്തോട്ട് തിരിഞ്ഞ് നെറ്റ് ആപ്പ് ജംഗ്ഷനിലേക്ക് പോകുകയും തുടർന്ന് വലത്തേക്ക് തിരിഞ്ഞ് ഐടിപിഎല്ലിലേക്കും ഹോപ്പ് ഫാമിലേക്കും പോകണം.
TAGS: BENGALURU | TRAFFIC RESTRICTED
SUMMARY: Traffic restrictions at kundalahalli road today
