ബെംഗളൂരു: പുലിയെ പിടികൂടാനായി സ്ഥാപിച്ച കൂട്ടിൽ കുടുങ്ങിയത് മനുഷ്യൻ. ചാമരാജ്നഗർ ഗുണ്ടൽപേട്ടിൽ പഡഗുരു ഗ്രാമത്തിൽ വ്യാഴാഴ്ചയാണ് സംഭവം. ഗ്രാമവാസിയായ ഹനുമയ്യയാണ് അബദ്ധത്തിൽ കൂട്ടിൽ കുടുങ്ങിയത്.
പുലിയെ പിടികൂടാൻ വനം വകുപ്പ് ഹനുമയ്യയുടെ കൃഷിയിടത്തിൽ കൂട് സ്ഥാപിച്ചിരുന്നു. കഴിഞ്ഞ ദിവസങ്ങളിൽ ഈ പ്രദേശത്തെ ആളുകളെയും, പശുക്കളെയും പുലി ആക്രമിച്ചതിനെ തുടർന്നായിരുന്നു നടപടി. കൂട് ശരിയായി സ്ഥാപിച്ചിട്ടുണ്ടോയെന്ന് നോക്കുന്നതിനിടെ അബദ്ധത്തിൽ ഹനുമയ്യ ഇതിനകത്ത് അകപ്പെടുകയായിരുന്നു. കൃഷിയിടത്തിലെ തൊഴിലാളികൾ വനം വകുപ്പിൽ വിവരമറിയിച്ചു. ഇതോടെ ഉദ്യോഗസ്ഥരെത്തി കൂട് തുറന്ന് ഇയാളെ പുറത്തിറക്കുകയായിരുന്നു.
TAGS: KARNATAKA | LEOPARD
SUMMARY: Man gets trapped inside cage set for leopard
