തിരുവനന്തപുരം: വർക്കലയില്‍ മാതാപിതാക്കളെ വീട്ടില്‍ നിന്നും പുറത്താക്കി ഗേറ്റടച്ചുപൂട്ടിയ മകള്‍ക്കെതിരെ കേസ്. സംഭവത്തില്‍ മകളായ സിജിക്കും ഭർത്താവിനുമെതിരെ അയിരൂർ പോലീസ് കേസെടുത്തു. ഇന്നലെയാണ് ഇവർ പ്രായമായ മാതാപിതാക്കളോട് ഈ ക്രൂരത കാട്ടിയത്. പണം കിട്ടിക്കഴിഞ്ഞപ്പോള്‍ തങ്ങളെ മകള്‍ക്ക് വേണ്ടായെന്നും തങ്ങള്‍ നല്‍കിയ പണം ഉപയോഗിച്ച്‌ നിർമ്മിച്ച വീട്ടില്‍ നിന്നാണ് തങ്ങളെ ഇറക്കി വിട്ടതെന്നും മാതാപിതാക്കള്‍ പറഞ്ഞു.
മകള്‍ക്ക് 35 ലക്ഷം രൂപ നല്‍കിയിരുന്നു. അത് ഉപയോഗിച്ച്‌ നിർമിച്ച വീട്ടില്‍ നിന്നാണ് തങ്ങളെ പുറത്താക്കിയത്. സബ് കളക്ടറെ കണ്ട് കാര്യങ്ങള്‍ ബോധ്യപ്പെടുത്തും. വീട്ടില്‍ താമസിക്കാൻ അനുവാദം ഇല്ലെങ്കില്‍ പണം തിരികെ നല്‍കണമെന്നും വൃദ്ധ ദമ്പതികള്‍ പറഞ്ഞു. കഴിഞ്ഞ ദിവസമാണ് വർക്കലയിലെ മകള്‍ മാതാപിതാക്കളെ പുറത്താക്കിയ ഗേറ്റ് അടച്ചത്. 79 വയസ്സുള്ള സദാശിവനെയും ഭാര്യ 73 വയസ്സുള്ള സുഷമ്മയെയുമാണ് മകള്‍ സിജി വീടിന് പുറത്താക്കിയത്.
നാട്ടുകാരെത്തി ഗേറ്റ് തള്ളി തുറന്നെങ്കിലും ഇവർ മാതാപിതാക്കളെ വീടിനുള്ളില്‍ കയറ്റാൻ തയ്യാറായില്ല. പിന്നീട് അയിരൂർ പോലീസ് സ്ഥലത്തെത്തി സംസാരിച്ചെങ്കിലും മകള്‍ വഴങ്ങിയില്ല. നേരത്തെയും സിജി മാതാപിതാക്കളെ പുറത്താക്കിയിട്ടുണ്ടെന്ന് പോലീസ് അറിയിച്ചു. പിന്നാലെ ഇവരെ വൃദ്ധസദനത്തിലേക്ക് പോലീസ് മാറ്റുകയായിരുന്നു.
TAGS : LATEST NEWS
SUMMARY : A case against the daughter who threw her parents out of the house
