ഐപിഎൽ പതിനെട്ടാം സീസണ് മാർച്ച് 22ന് തുടക്കം. 13 വേദികളിലായി ഫൈനൽ ഉൾപ്പെടെ 74 മത്സരങ്ങൾ നടക്കും. ഫൈനൽ മെയ് 25ന് കൊൽക്കത്തയിൽ വെച്ച് നടക്കും. ഉദ്ഘാടന മത്സരത്തിൽ ഈഡൻ ഗാർഡൻസിൽ റോയൽ ചലഞ്ചേഴ്സ് ബെംഗളൂരുവിനെ നിലവിലെ ചാമ്പ്യൻമാരായ കൊൽക്കത്ത നൈറ്റ് റൈഡേഴ്സ് നേരിടും. മാർച്ച് 23ന് ചെന്നൈ സൂപ്പർ കിംഗ്സ് – മുംബൈ ഇന്ത്യൻസ് പോരാട്ടം ചെന്നൈയിൽ നടക്കും.
മലയാളി താരം സഞ്ജു നയിക്കുന്ന രാജസ്ഥാൻ റോയൽസിന്റെ ആദ്യ മത്സരം മാർച്ച 26ന് ഗുവാഹത്തിയിൽ വെച്ച് നടക്കും. കൊൽക്കത്ത തന്നെയാണ് എതിരാളികൾ. മെയ് 20നാണ് ആദ്യ ക്വാളിഫയര് നടക്കുന്നത്. മെയ് 21ന് എലിമിനേറ്ററും മെയ് 23ന് രണ്ടാം ക്വാളിഫയറും നടക്കും. മെയ് 25നാണ് കലാശ പോരാട്ടം. ക്വാളിഫയര് ഒന്നും എലിമിനേറ്ററും ഹൈദരാബാദിലാണ്. രണ്ടാമത്തെ ക്വാളിഫയറും ഫൈനലും കൊല്ക്കത്തയിലാണ്.
ആര്സിബിക്ക് ഇത്തവണ പ്രതീക്ഷകളേറെയാണ്. ആര്സിബിയുടെ നായകസ്ഥാനത്തേക്ക് രജത് പാട്ടീധാര് എത്തിയിട്ടുണ്ട്. അതുകൊണ്ടുതന്നെ ഇത്തവണ കന്നി കിരീടത്തിലേക്ക് എത്താമെന്ന സജീവ പ്രതീക്ഷയിലാണ് ആര്സിബി. മെഗാ ലേലത്തിന് ശേഷം നടക്കുന്ന ആദ്യ സീസണായതിനാല് ആര്ക്കും ഇത്തവണ മുന്തൂക്കം നല്കാന് സാധിക്കില്ല. ധോണിക്കും രോഹിത് ശര്മക്കും സീസണ് വളരെ പ്രധാനപ്പെട്ടതാണെന്ന സവിശേഷതയും ഇത്തവണത്തെ ഐപിഎല്ലിനുണ്ട്.
TAGS: SPORTS
SUMMARY: IPL 2025 season matches announced
