ബെംഗളൂരു: ആശുപത്രി കെട്ടിടത്തിന്റെ രണ്ടാം നിലയിൽ നിന്ന് വീണ് രോഗി മരിച്ചു. ഗുൽബർഗ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസ് (ജിംസ്) സർക്കാർ ആശുപത്രിയിലാണ് സംഭവം. യുവാവ് ആശുപത്രിയുടെ രണ്ടാം നിലയിൽ നിന്ന് താഴേക്ക് ചാടുകയായിരുന്നു. ഡെക്കാൻ കോളജിന് സമീപം താമസിച്ചിരുന്ന സയ്യിദ് അസ്ഹറുദ്ദീനാണ് (33) മരിച്ചത്.
ക്ഷയരോഗത്തിന് ആശുപത്രിയിൽ ചികിത്സയിലായിരുന്നു ഇയാൾ. രോഗം ബാധിച്ചത് കാരണമുണ്ടായ വിഷാദ അവസ്ഥയെ തുടർന്ന് ആത്മഹത്യ ചെയ്തതാണെന്നാണ് പോലീസിന്റെ പ്രാഥമിക നിഗമനം. ആശുപത്രി അധികൃതരുടെയും ജീവനക്കാരുടെയും അശ്രദ്ധമൂലമാണ് തന്റെ ഭർത്താവ് മരിച്ചതെന്ന് ആരോപിച്ച് അസറുദ്ദീന്റെ ഭാര്യ പോലീസിൽ പരാതി നൽകി. സംഭവത്തിൽ പോലീസ് കേസ് രജിസ്റ്റർ ചെയ്തിട്ടുണ്ട്.
TAGS: KARNATAKA
SUMMARY: Patient at Kalaburagi govt hospital allegedly commits suicide by jumping from second floor
