കാറുകൾ കൂട്ടിയിടിച്ച് അപകടം; ഒരു മരണം, മൂന്ന് പേർക്ക് പരുക്ക്

ബെംഗളൂരു: കാറുകൾ കൂട്ടിയിടിച്ചുണ്ടായ അപകടത്തിൽ ഒരാൾ മരിച്ചു. ഹാസൻ കരേക്കരെ ഗ്രാമത്തിലെ കാർഷിക കോളേജിന് മുന്നിൽ ഞായറാഴ്ചയാണ് അപകടമുണ്ടായത്. ഹാസൻ ഹൊസകൊപ്പലു ലേഔട്ടിൽ താമസിക്കുന്ന ശാന്തമ്മ (45) ആണ് മരിച്ചത്. മുമ്പിലുണ്ടായിരുന്ന വാഹനത്തെ മറികടക്കാൻ ശ്രമിക്കുന്നതിനിടെ ആൾട്ടോ കാർ എതിർദിശയിൽ നിന്ന് വന്ന വാഗൺർ കാറിൽ ഇടിച്ചാണ് അപകടമുണ്ടായത്.

ശാന്തമ്മ സംഭവസ്ഥലത്ത് തന്നെ മരിച്ചു. അപകടത്തിൽ പരുക്കേറ്റ ഇവരുടെ ഭർത്താവ് നാഗേഷും അവരുടെ ആറ് വയസ്സുള്ള കുട്ടി യുക്തിയും ഗൗരമ്മയും ജില്ലാ ആശുപത്രിയിൽ ചികിത്സയിലാണ്. ഇടിയുടെ ആഘാതത്തിൽ രണ്ട് കാറുകളുടെയും മുൻവശം പൂർണമായും തകർന്നു. സംഭവത്തിൽ ശാന്തിഗ്രാമ പോലീസ് കേസെടുത്തു.

TAGS: ACCIDENT | KARNATAKA
SUMMARY: Woman dies, three injured after car hit another