താമരശേരി : താമരശേരി ചുരത്തിൽ എട്ടാം വളവിന് സമീപം കാൽ തെന്നി കൊക്കയിലേക്ക് വീണ് വിനോദയാത്രാസംഘത്തിലെ യുവാവിന് പരുക്ക്. മലപ്പുറം കൂട്ടിലങ്ങാടി മക്കരപ്പറമ്പ് സ്വദേശി ഫായിസി (32)നാണ് പരിക്കേറ്റത്. എട്ടാം വളവിന് സമീപം ബുധനാഴ്ച വൈകീട്ട് ആറ് മണിയോടെയാണ് അപകടം.
ഒരു വിവാഹ ചടങ്ങിൽ പങ്കെടുത്ത് മടങ്ങുന്നതിനിടെയായിരുന്നു അപകടം. കാർ നിർത്തി പുറത്തിറങ്ങിയപ്പോഴാണ് യുവാവ് കാൽ തെറ്റി കൊക്കയിലേക്ക് വീണത്. കൽപറ്റയിൽ നിന്നും അഗ്നി രക്ഷാ സേനയെത്തിയാണ് യുവാവിനെ പുറത്തെത്തിച്ചത്. ഈങ്ങാപ്പുഴയിലെ സ്വകാര്യ ക്ലിനിക്കിലും താമരശ്ശേരി താലൂക്ക് ആശുപത്രിയിലും പ്രാഥമിക ചികിത്സ ലഭ്യമാക്കിയ ശേഷം യുവാവിനെ കോഴിക്കോട് ഗവ. മെഡിക്കൽ കോളേജ് ആശുപത്രിയിലേക്ക് മാറ്റി.
<BR>
TAGS : THAMARASSERY
SUMMARY : Youth injured after falling from Thamarasseri churam
