ബെംഗളൂരു: ബെംഗളൂരു- മംഗളൂരു ഹാസൻ റെയിൽ പാതയിൽ പാളത്തിൽ മണ്ണിടിച്ചലുണ്ടായതിനെ തുടർന്നുള്ള ഗതാഗത തടസം പരിഹരിക്കുന്ന പ്രവൃത്തികൾ പുരോഗമിക്കുന്നു. യദകുമേറി – കടഗരവള്ളി സ്റ്റേഷനുകൾക്കിടയിൽ വെള്ളിയാഴ്ച രാത്രിയാണ് മണ്ണിടിച്ചൽ ഉണ്ടായത്. ഇതേ തുടർന്ന് ഈ റൂട്ടിൽ സർവീസ് നടത്തുന്ന എല്ലാ ട്രെയിനുകളും ഓഗസ്റ്റ് 4 വരെയാണ് റദ്ദാക്കിയത്.
പാതയിൽ ഗതാഗതം പുനസ്ഥാപിക്കുന്ന ജോലികൾ വിലയിരുത്താൻ ദക്ഷിണ – പശ്ചിമ റെയിൽവേ ജനറൽ മാനേജർ അരവിന്ദ് ശ്രീവാസ്തവ യദകുമേറി സന്ദർശിച്ചിരുന്നു. യാത്രാക്ലേശം പരിഹരിക്കുന്നതിനായി മംഗളൂരു- കണ്ണൂർ – ബെംഗളൂരു വഴി മഡ്ഗാവ്, കാർവാർ എന്നിവിടങ്ങളിൽ നിന്നായി ഇന്നും നാളെയുമായി രണ്ട് സ്പെഷ്യൽ വൺവേ ട്രെയിനുകൾ ഏർപ്പെടുത്തിയിട്ടുണ്ട്.
