ബെംഗളൂരുവിൽ ഓടിക്കൊണ്ടിരുന്ന ഇലക്ട്രിക് ബസിന് തീപിടിച്ചു

ബെംഗളൂരു: ബെംഗളൂരുവിൽ ഓടിക്കൊണ്ടിരുന്ന ഇലക്ട്രിക് ബസിന് തീപിടിച്ചു. റൂട്ട് നമ്പർ 500ക്യുഎ/9 ഓടുന്ന ഇലക്ട്രിക് ബസ് ടിൻ ഫാക്ടറിയിൽ നിന്ന് ഗോരഗുണ്ടെപാളയയിലേക്ക് പോവുകയായിരുന്നു. വീരണ്ണപാളയത്തെയും ഹെബ്ബാള് ജങ്ഷനെയും ബന്ധിപ്പിക്കുന്ന റോഡിൽ വെച്ച് രാത്രി 10.40ഓടെയാണ് തീപിടിത്തമുണ്ടായത്.

തീപിടിത്തം ശ്രദ്ധയിൽപ്പെട്ട ഡ്രൈവർ ദശരഥ് എല്ലാ യാത്രക്കാരെയും ഉടൻ ബസിൽ നിന്ന് ഇറക്കി. 10 യാത്രക്കാരായിരുന്നു ബസിൽ ഉണ്ടായിരുന്നത്. ഷോർട്ട് സർക്യൂട്ടാണ് തീപിടിത്തതിന് കാരണമെന്നാണ് പ്രാഥമിക നിഗമനം. ബസിൻ്റെ പിൻഭാഗത്ത് സ്ഥാപിച്ചിരുന്ന ബാറ്ററിയിൽ മഴവെള്ളം കയറിയതാണ് തീപിടിത്തത്തിന് കാരണമെന്ന് സംശയിക്കുന്നതായി ബിഎംടിസി ഉദ്യോഗസ്ഥർ പറഞ്ഞു. ഫയർ ഫോഴ്സ് സ്ഥലത്തെത്തി തീയണച്ചു. സംഭവത്തിൽ പോലീസ് കേസെടുത്തിട്ടുണ്ട്.

#Bengaluru l Bengaluru Metropolitan Transport Corporation electric bus catches #fire during rains in #Hebbal. The incident raises concerns about the safety level of #ElectricVehicles as #India enters the era of #EVs.#BMTC #BengaluruRains #bengalurumonsoon #Fire #FireAccident pic.twitter.com/cIwXYqTJ4A

— Lokmat Times Nagpur (@LokmatTimes_ngp) August 6, 2024