ബെംഗളൂരു: ബെംഗളൂരു കെംപെഗൗഡ രാജ്യാന്തര വിമാനത്താവളത്തിന്റെ കരാർ 30 വർഷത്തേക്ക് കൂടി നീട്ടിയതായി സംസ്ഥാന സർക്കാർ അറിയിച്ചു. ബെംഗളൂരു ഇൻ്റർനാഷണൽ എയർപോർട്ട് ലിമിറ്റഡുമായുള്ള (ബിഐഎഎൽ) കരാർ ആണ് നീട്ടിയത്.
ഇന്ത്യയിലെ ഏറ്റവും തിരക്കേറിയ മൂന്നാമത്തെ വിമാനത്താവളമാണ് കെംപെഗൗഡ അന്താരാഷ്ട്ര വിമാനത്താവളം (കെഐഎ). ബിഐഎഎല്ലിന്റെ അഭ്യർത്ഥന മാനിച്ചാണ് സംസ്ഥാന സർക്കാർ കരാർ നീട്ടി ഔദ്യോഗിക വിജ്ഞാപനം പുറപ്പെടുവിച്ചത്. 2020 ഒക്ടോബറിൽ പാട്ടക്കാലാവധി നീട്ടാൻ സർക്കാർ ഉത്തരവിട്ടിരുന്നുവെങ്കിലും ഗസറ്റ് വിജ്ഞാപനം പാസാക്കിയിരുന്നില്ല. നിലവിലുള്ള കരാർ മാനദണ്ഡ പ്രകാരം കരാർ കാലാവധി 2038 വരെയാണ്. ഇതാണ് 30 വർഷത്തേക്ക് കൂടി നീട്ടിയത്.
വിമാനത്താവളത്തിൻ്റെ വിപുലീകരണത്തിനും അനുബന്ധ അടിസ്ഥാന സൗകര്യവികസനത്തിനുമായി ഗണ്യമായ നിക്ഷേപങ്ങൾ നടത്തുന്നത് സംബന്ധിച്ചും സർക്കാരുമായി ധാരണയായിട്ടുണ്ടെന്ന് ബിഐഎഎൽ ഉദ്യോഗസ്ഥർ പറഞ്ഞു. പുതിയ കരാർ കാലാവധി 2068 മെയ് വരെയാണ്. വിമാനത്താവളം സ്ഥിതി ചെയ്യുന്ന സ്ഥലത്തിൻ്റെ വില ഇപ്പോഴുള്ള 211.78 കോടി രൂപയിൽ നിന്ന് പരമാവധി 302.15 കോടി രൂപയായി വർധിപ്പിക്കാനും തീരുമാനമായി.
The post ബെംഗളൂരു വിമാനത്താവളത്തിന്റെ കരാർ 30 വർഷത്തേക്ക് കൂടി നീട്ടി appeared first on News Bengaluru.
Powered by WPeMatico
