ഇടുക്കി രൂപതയ്ക്ക് പിന്നാലെ ദി കേരള സ്റ്റോറി പ്രദർശിപ്പിച്ച് താമരശേരി രൂപതയും. രൂപതയ്ക്ക് കീഴിലുള്ള ഇടവകകളിലെ കുടുംബ കൂട്ടായ്മയിലാണ് ചിത്രം പ്രദർശിപ്പിച്ചത്. പരമാവധി പേർ കാണണമെന്നും ചിത്രത്തിന്റെ ലിങ്ക് ഷെയർ ചെയ്യണമെന്നും നിർദേശവും നല്കി.
രൂപതയിലെ പത്ത് മുതല് പ്ലസ്ടു വരെയുള്ള വിദ്യാര്ഥികള്ക്കായാണ് ക്യാമ്പ് നടത്തിയത്. ക്ലാസില് ഒരു വിഷയം പ്രണയമായിരുന്നുവെന്നും സിനിമ കണ്ട് വിശകലനം ചെയ്യാന് കുട്ടികളോട് ആവശ്യപ്പെടുകയായിരുന്നുവെന്നും ഫാ. ജിന്സ് കാരക്കാട് പറഞ്ഞു. നിരവധി കുട്ടികള് പ്രണയക്കൂരുക്കില് അകപ്പെടുന്നതിനാല് ആണ് വിഷയം എടുത്തതെന്നും അദ്ദേഹം വിശദീകരിച്ചു.
ഈ മാസം നാലിന് ഇടുക്കി രൂപത ചിത്രം പ്രദര്ശിപ്പിച്ചിരുന്നു. ദൂരദര്ശന് കഴിഞ്ഞ ദിവസം സിനിമ സംപ്രേക്ഷണം ചെയ്യുന്നതിന് തൊട്ടുതലേന്നായിരുന്നു ഇടുക്കി രൂപത വിവാദ സിനിമ പ്രദര്ശിപ്പിച്ചത്. കുട്ടികളുടെ വേദപഠന ക്ലാസുകള് നടക്കുന്ന പള്ളികളില് കൗമാരക്കാരായ കുട്ടികള്ക്കുവേണ്ടിയാണ് ചിത്രം പ്രദര്ശിപ്പിച്ചത്. പ്രണയം എന്ന വിഷയത്തെക്കുറിച്ചുള്ള ക്ലാസിന്റെ ഭാഗമായായി പ്രണയ ബോധവല്ക്കരണം എന്ന ആശയം മുന്നില് കണ്ടാണ് ചിത്രം പ്രദർശിപ്പിച്ചതെന്നാണ് രൂപതയുടെ വിശദീകരണം.
The post ഇടുക്കി രൂപതയ്ക്ക് പിന്നാലെ ‘ദ കേരള സ്റ്റോറി’ പ്രദര്ശിപ്പിച്ച് താമരശേരി രൂപതയും appeared first on News Bengaluru.
Powered by WPeMatico
