ബെംഗളൂരു: ബെംഗളൂരുവിൽ സ്വകാര്യ ബസിന് നേരെ കല്ലെറിഞ്ഞ യുവാവ് പിടിയിൽ. എസ്.ജെ. ടൗൺ ഹാളിന് സമീപം ഞായറാഴ്ച ഉച്ചയോടെയാണ് സംഭവം. തമിഴ്നാട് സ്വദേശി മഹാരാജയാണ് (24) അറസ്റ്റിലായത്. കലാസിപാളയയിലെ സ്വകാര്യ ട്രാൻസ്‌പോർട്ട് കമ്പനിയിൽ ജീവനക്കാരനാണ് ഇയാൾ. ജോലിസ്ഥലത്തേക്ക് പോകുന്നതിനായാണ് രാവിലെ ഇയാൾ സ്വകാര്യ ബസിൽ കയറിയത്.
തന്റെ സ്റ്റോപ്പ്‌ എത്തിയപ്പോൾ നിർത്താൻ ആവശ്യപ്പെട്ടെങ്കിലും, സ്റ്റോപ്പിൽ നിന്ന് കുറച്ചു ദൂരത്താണ് ബസ് നിർത്തിയത്. തുടർന്ന് പുറത്തിറങ്ങിയ ഉടൻ കൈയിൽ കിട്ടിയ കല്ലുകൾ കൊണ്ട് ബസിനു നേരെ എറിയുകയായിരുന്നു. സംഭവത്തിൽ ബസിന്റെ മുൻവശത്തെ ചില്ലുകൾ തകർന്നു. ഇതോടെ കണ്ടക്ടറും മറ്റ്‌ യാത്രക്കാരും ബസിൽ നിന്നിറങ്ങി മഹാരാജയെ പിടികൂടി പോലീസിൽ ഏൽപ്പിക്കുകയായിരുന്നു.
TAGS: BENGALURU | ARREST
SUMMARY: Man arrested after he pelted stones at a private bus in Bengaluru
